బాలు ఔట్: మారత్, అళగిరి ఇన్

చెన్నై: మంత్రి పదవులపై కాంగ్రెసుకు, డిఎంకెకు మధ్య ఒప్పందం కుదిరినట్లు తెలుస్తోంది. డిఎంకెకు మూడు క్యాబినెట్ పదవులు ఇవ్వడానికి కాంగ్రెసు సముఖత వ్యక్తం చేసినట్లు చెబుతున్నారు. డిఎంకె ఐటీ, కమ్యూనికేషన్, షిప్పింగ్, ఉపరితల రవాణా, రైల్వేలు, ఆరోగ్య శాఖలు అడుగుతోంది. మూడు క్యాబినెట్ పదవులతో పాటు నాలుగు సహాయ మంత్రి పదవులను డిఎంకె ఆశిస్తోంది.

దయానిధి మారన్, అళగిరి, రాజాలకు కేంద్ర మంత్రి పదవులు లభిస్తాయి. టిఆర్ బాలును మాత్రం పక్కన పెడుతున్నారు. 1996 నుంచి రాజాకు మంత్రి పదవి దక్కి బాలుకు దక్కకపోవడం ఇదే మొదటిసారి. ఐటి అండ్ కమ్యూనికేషన్స్, రసాయనాలు - ఎరువులు, జౌళి శాఖలను డిఎంకెకు ఇవ్వడానికి కాంగ్రెసు అంగీకరించింది. జాతీయ భద్రతా సలహాదారు నారాయణన్ ముఖ్యమంత్రి, డిఎంకె నేత కరుణానిధితో మాట్లాడిన తర్వాత కాంగ్రెసుకు, డిఎంకెకు మధ్య రాజీ ఫార్ములా కుదిరింది.