బాధితులకు సినీ అండ: గోపీచంద్

హైదరాబాద్: వరద బాధితులకు సినీ పరిశ్రమ అండగా ఉంటుందని తెలుగు సినిమాల హీరో గోపీచంద్ అన్నారు. సిద్ధార్థతో కలిసి ఆయన గురువారంనాడు ముఖ్యమంత్రి రోశయ్యను కలిసి వరద బాధితుల సహాయం కోసం విరాళం అందించారు. వారిద్దరు ముఖ్యమంత్రికి చెక్కులను అందించారు. ప్రభుత్వ చీఫ్ విప్ మల్లు భట్టి విక్రమార్కతో కలిసి వారు సచివాలయానికి వచ్చి ముఖ్యమంత్రిని కలిశారు.

వరద బాధితులను ఆదుకునేందుకు ప్రతి ఒక్కరూ ముందుకు రావాలని సినిమా హీరో సిద్ధార్థ కోరారు. రాష్ట్రంలో వరద బాధితులకు మానవతా దృష్టితో సహాయం అందించాలని ఇద్దరు హీరోలు కూడా అన్నారు. వరద బాధితులు తీవ్రమైన కష్టాల్లో ఉన్నారని, ఇటువంటి కష్టసమయాల్లో వారిని ఆదుకోవడం బాధ్యతగా గుర్తించాలని వారన్నారు.