అమెరికాలో హైదరాబాద్ మహిళకు గౌరవం

వాషింగ్టన్: అమెరికన్ అసోసియేషన్ ఆఫ్ చెస్ట్ ఫిజిషియన్ప్ అధ్యక్షురాలిగా హైదరాబాద్ కు చెందిన మహిళ డాక్టర్ కల్పలత కె గుంటుపల్లి ఎన్నికయ్యారు. ఈ సంఘం అధ్యక్ష పదవికి ఎంపికైన తొలి ఆసియన్ అమెరికన్ సంతతి మహిళ కూడా ఈమెనే కావడం విశేషం. హైదరాబాదులో జన్మించిన కల్పలత అమెరికాలోని పది టాప్ వైద్య విద్యాసంస్థల్లో ఒకటిగా పేరు గాంచిన హూస్టన్ లోని బైలోర్ కాలేజ్ ఆఫ్ మెడిసిన్ లో ప్రొఫెసరుగా పనిచేస్తున్నారు. ఈ వైద్య విద్యా సంస్థలో ఆమె పల్మనరీ క్రిటికల్ కేర్, స్లీస్ డివిజన్ చీఫ్ గా ఉన్నారు.

అమెరికన్ అసోసియేషన్ ఆఫ్ చెస్ట్ ఫిజిషియన్స్ అధ్యక్షురాలిగా నవంబర్ 1వ తేదీన సానే డీగోలో పదవీ బాధ్యతలు చేపడతారు. ప్రపంచ వ్యాప్తంగా ఊపిరితితుత్తుల ఆరోగ్యం విషయంలో తమ సంస్థ చర్యలను కొనసాగిస్తుందని ఆమె చెప్పారు. కల్పలత హైదరాబాదులోని ఉస్మానియా వైద్య కళాశాల వైద్య విజ్ఞాన సంస్థ నుంచి ఎండి పట్టా తీసుకున్నారు.