సిఎం రోశయ్యకు బాధ్యతేదీ: గాలి

హైదరాబాద్: ముఖ్యమంత్రి కె. రోశయ్యకు ప్రజల పట్ల బాధ్యత లేదని తెలుగుదేశం పార్టీ నాయకుడు గాలి ముద్దు కృష్ణమ నాయుడు విమర్శించారు. రోశయ్య ప్రభుత్వంపై ఆయన మంగళవారం మీడియా ప్రతినిధుల సమావేశంలో తీవ్రంగా ధ్వజమెత్తారు. రాష్ట్ర ప్రభుత్వ తీరు దారిన పోయే దానయ్యలాగా ఉందని ఆయన అన్నారు.

ప్రజలు ఎన్నుకున్న నాయకుడు ముఖ్యమంత్రి అయితే బాధ్యతగా వ్యవహరిస్తాడని, రోశయ్య ఎమ్మెల్సీగా ఉండి ముఖ్యమంత్రి అయ్యారని, అందువల్ల రోశయ్య బాధ్యత లేకుండా వ్యవహరిస్తున్నారని ఆయన అన్నారు. ఇప్పటికైనా కాంగ్రెసు అధిష్టానం సమర్థుడైన నాయకుడికి ముఖ్యమంత్రి పీఠం కట్టబెట్టాలని ఆయన సూచించారు.