కారు ప్రమాదంలో మండేలా ముని మనవరాలు మృతి

జోహెన్నెస్ బర్గ్: నెల్సన్ మండేలా 13 ఏళ్ల ముని మనవరాలు కారు ప్రమాదంలో మరణించింది. ప్రపంచ కప్ ప్రారంభోత్సవం సందర్భంగా సొవెటోలోని సంగీత కచేరీ నుంచి ఇంటికి వస్తుండగా కారు ప్రమాదం సంభవించి ఆమె శుక్రవారం మరణించింది.

జెనానీ మండేలా కారు ప్రమాదంలో మరణించిందని, ఆ ప్రమాదంలో ఇతరులెవరూ గాయపడలేదని నెల్సన్ మండేలా ఫౌండేషన్ తెలిపింది. జెనానీ జూన్ 9వ తేదీన తన 13వ జన్మదిన వేడుకలు జరుపుకుంది. మండేలాకు 9 మంది ముని మనవలు, మనవరాళ్లున్నారు.