తెలంగాణ తీర్మానానికి టిడిపీ ఓకే చెప్పింది: టిఆర్ఎస్ ఎమ్మెల్యే అరవింద్ రెడ్డి

By Srinivas

Published: Wednesday, February 23, 2011, 14:31 [IST]

హైదరాబాద్: ప్రత్యేక తెలంగాణపై తీర్మానం పెట్టాలని తెలంగాణ రాష్ట్ర సమితి, భారతీయ జనతా పార్టీ, వామపక్షాలతో పాటు తెలుగుదేశం పార్టీ కూడా పట్టుబట్టిందని అయినా ప్రభుత్వం తీర్మానం పెట్టక పోవడం ఏమిటని టిఆర్ఎస్ శాసనసభ్యుడు అరవింద్ రెడ్డి అసెంబ్లీ మీడియా పాయింట్ వద్ద బుధవారం మీడియా ప్రతినిధులతో అన్నారు. తెలంగాణ తీర్మానం ప్రవేశ పెట్టే వరకు సమావేశాలను అడ్డుకుంటామని చెప్పామని, అందుకే బడ్జెట్ సమావేశాలు కూడా అడ్డుకునేందుకు ప్రయత్నించామని, అందుకే సస్పెన్షన్ వేటు వేశారన్నారు. మేం తెలంగాణ ప్రజల ఆకాంక్ష మేరకే నడుచుకుంటామని చెప్పారు.

ఆర్థికశాఖామంత్రి ఆనం రామనారాయణ రెడ్డి ప్రవేశ పెట్టిన వార్షిక బడ్జెట్ ఫాల్సు బడ్జెట్ అన్నారు. గత సంవత్సరం కేటాయింటిన నిధులే మంజూరు చేయలేదని, ఇప్పుడు ప్రవేశ పెట్టి ఏం లాభమన్నారు. నిధులే కేటాయించనప్పుడు బడ్జెట్ ఎన్ని లక్షల కోట్లతో ప్రవేశ పెట్టినా లాభం లేదన్నారు. బడ్జెట్ సమావేశాలకు సహకరించమని కోరారని, అయితే తెలంగాణ తీర్మానం ప్రవేశ పెడితే సహకరిస్తామని టిఅర్ఎస్ ఎమ్మెల్యేలం చెప్పామని అన్నారు. సమైక్యాంధ్ర బడ్జెట్ తెలంగాణకు ఎలాంటి న్యాయం చేయదన్నారు. కేటాయింపులు ఇస్తే సరిపోదని పూర్తిగా ఖర్చు చేయాలని అన్నారు.

Published On February 23, 2011