IPL 2026: ఐపీఎల్ వేళ బీసీసీఐ బిగ్ షాక్- తాజా రూల్స్..!

ఈసారి ఐపీఎల్ 2026 (IPL 2026) షెడ్యూల్ ప్రకారం జరుగుతుందా లేక వాయిదాలు తప్పవా అన్న టెన్షన్ అభిమానుల్ని ఓవైపు పట్టిపీడిస్తోంది. మరోవైపు బీసీసీఐ మాత్రం ఈసారి కచ్చితంగా ఈ మెగా టోర్నీని ఎలాంటి ఆటంకాలు లేకుండా నిర్వహించి తీరుతామని ధీమాగా ఉంది. ఇదే క్రమంలో ఇవాళ ఐపీఎల్ లో పాల్గొనే జట్ల యాజమాన్యాలు (ఫ్రాంచైజీలు) పాటించాల్సిన కఠిన నిబంధనల్ని విడుదల బీసీసీఐ చేసింది.

ఐపీఎల్ జట్లకు మార్గదర్శకాలు (IPL 2026)

ఇందులో ఐపీఎల్ జట్టు ప్రత్యర్థి జట్టు నెట్ సెషన్‌లో వాడిన పిచ్‌లో శిక్షణ పొందకూడదని ఫ్రాంచైజీలకు బీసీసీఐ కచ్చితంగా చెప్పేసింది. జట్లు ఒకదాని తర్వాత ఒకటి ప్రాక్టీస్ చేస్తుంటే వాటికి కొత్త పిచ్‌లను కేటాయించాల్సి ఉంటుంది. ప్రతి జట్టుకు కేటాయించిన ప్రాక్టీస్ సెషన్ కోసం తాజా నెట్‌లను అందించాలి. ఏకకాలంలో ప్రాక్టీస్ సెషన్‌లు జరిగినప్పుడు లేదా ఒక జట్టు మరొకదాని తర్వాత ఒకటి ప్రాక్టీస్ చేసినప్పుడు, మొదటి జట్టు మరొక జట్టు నెట్‌లను ఉపయోగించడానికి అనుమతించరు.

ప్రాక్టీస్, పిచ్ లపై ఇలా

ఒక జట్టు ముందుగానే ప్రాక్టీస్ పూర్తి చేస్తే, మరొక జట్టు వారి రేంజ్-హిట్టింగ్ వికెట్‌ను ఉపయోగించడానికి అనుమతించరు. అలాగే ఒక జట్టు లైట్ల కింద ప్రాక్టీస్ మ్యాచ్ ఆడాలని అనుకుంటే, మ్యాచ్ వ్యవధి మూడున్నర గంటలు మించకూడదని తెలిపింది. జట్లు గరిష్టంగా రోజుకు రెండు ప్రాక్టీస్ మ్యాచ్‌లు ఆడొచ్చు. కానీ వారు ముందుగా బీసీసీఐకి ఈ విషయం చెప్పాలి. అలాగే ఈ మ్యాచ్‌లు రెగ్యులర్ మ్యాచ్ కోసం వాడే పిచ్‌లో జరగకూడదు.

షెడ్యూల్ పై ఇలా

సీజన్ కోసం పిచ్‌ను సిద్ధం చేయడానికి, సంబంధిత ఫ్రాంచైజీ సీజన్‌లో మొదటి హోమ్ మ్యాచ్‌కు ముందు నాలుగు రోజుల్లో ప్రధాన స్క్వేర్‌లో ఎటువంటి ప్రాక్టీస్ సెషన్‌లు లేదా ప్రాక్టీస్ మ్యాచ్‌లు ఆడకూడదు. ఈ కాలంలో హోమ్ ఫ్రాంచైజ్ కోరితే రాష్ట్ర సంఘం ఫ్రాంచైజీకి ప్రత్యామ్నాయ ప్రాక్టీస్ మైదానాన్ని ఉచితంగా అందుబాటులో ఉంచాలి. రెండు జట్లకు ప్రాక్టీస్ కోసం రెండు నెట్‌లు, రేంజ్ హిట్టింగ్ కోసం ప్రధాన స్క్వేర్‌లో ఒక నెట్ ఇస్తారు. షెడ్యూల్‌పై వివాదం తలెత్తితే, సందర్శించే జట్టుకు ప్రాధాన్యత ఇస్తామని బోర్డు తెలిపింది.