వైయస్ వివేకానంద రెడ్డి ఆధునిక లక్ష్మణుడు: అంబటి రాంబాబు

తిరుపతి: సీతలాంటి వదిన వైయస్ విజయమ్మపై పోటీకి దిగుతూ వ్యవసాయ శాఖ మంత్రి వైఎస్ వివేకానందరెడ్డి ఆధునిక లక్ష్మణుడిలా వ్యవహరిస్తున్నారని వైఎస్‌ఆర్ కాంగ్రెస్ పార్టీ నేత అంబటి రాంబాబు అన్నారు. సెంటిమెంట్ ఎలా పనిచేస్తుందో ఉప ఎన్నికల్లో తెలుస్తుందని ఆయన శనివారం మీడియా ప్రతినిధుల సమావేశంలో అన్నారు. తాను వైయస్ విజయమ్మపై పోటీ చేస్తానని, ఉప ఎన్నికల్లో సెంటిమెంట్లు ఉండవని వివేకానంద రెడ్డి చేసిన ప్రకటనపై ఆయన ఆ విధంగా అన్నారు.

ఆరోగ్య మంత్రి డీఎల్ రవీంద్రారెడ్డిపై ఆయన తీవ్రంగా ధ్వజమెత్తారు. కడప గడ్డపై పుట్టి ఉంటే వైఎస్ జగన్‌మోహన్‌రెడ్డిపై పోటీకి దిగాలని ఆయన డిఎల్ రవీంద్రారెడ్డిని సవాల్ విసిరారు. పోటీకి దిగాలని కాంగ్రెసు అధిష్టానం చెబుతోందని, అయితే డిఎల్ రవీంద్రా రెడ్డి పారిపోతున్నారని, ఇది సిగ్గు చేటు అని ఆయన అన్నారు. వైయస్ జగన్ వర్గం శాసనసభ్యులపై కాంగ్రెసు నాయకులు చేస్తున్న విమర్శలను ఆయన తప్పు పట్టారు.

English summary

YSR Congress leader Ambati Rambabu termed minister YS Vivekananda Reddy as modern Laxmana. He opposed YS Vivekananda Reddy's decision to contest from Pulivendula against YS Vijayamma.