అది ఎన్టీఆర్ టిడిపి కాదు, వైయస్ జగన్‌పై పోటీ కష్టమే: పురందేశ్వరి

గుంటూరు: ప్రస్తుతం చంద్రబాబునాయుడు చేతిలో ఉన్న తెలుగుదేశం పార్టీ నాటి దివంగత నందమూరి తారక రామారావు(ఎన్టీఆర్) స్థాపించిన తెలుగుదేశం పార్టీ కాదని కేంద్ర మంత్రి పురందేశ్వరి అన్నారు. ఎన్టీఆర్ టిడిపి ఆశయాలు వేరు, ఇప్పటి టిడిపి ఆశయాలు వేరు అని ఆమె చెప్పారు. ఆమె గుంటూరు జిల్లాలో కోటప్పకొండ దర్శనానికి వచ్చారు. ఈ సందర్భంగా ఆమె విలేకరులతో మాట్లాడారు. కుటుంబ సభ్యులతో కలిసి ఆమె కోటప్పకొండను దర్శించుకున్నారు. ఆమె భర్త దగ్గుపాటి వెంకటేశ్వరరావు మెట్లమార్గంలో దర్శనం చేసుకున్నారు.

కడప పార్లమెంటు, పులివెందుల అసెంబ్లీ స్థానానికి జరుగుతున్న ఉప ఎన్నికలు కాస్త కష్టమే అని అయినా కాంగ్రెసు పార్టీ విజయం సాధిస్తుందని ఆమె ఆశాభావం వ్యక్తం చేశారు. యూపిఏ ప్రభుత్వం అవినీతిని సహించదన్నారు. కుంభకోణాలపై పాల్పడ్డ వారిపై కేంద్రం కఠిన చర్యలు తీసుకున్నదని చెప్పారు. అవినీతిని అంతమొందించేందుకు ప్రముఖ సంఘ సంస్కర్త అన్నాహజారే చేస్తున్న దీక్షలో వాస్తవం ఉందని, ఆయన చెప్పిన జన లోక్‌పాల్ బిల్లుపై చర్చిస్తామని చెప్పారు.

English summary

Central minister Purandeswari said that It is not NTR's TDP. She said NTR TDP and Babu TDP aims are different. She Hoped that Congress will win in Kadapa and Pulivendula bypolls.