బప్పి లహరిని కాపీ కొట్టిన జెన్నీఫర్ లోపెజ్: లంబాడీ బాణీలో ఆన్ ది ఫ్లోర్

By Srinivas

Published: Tuesday, May 29, 2012, 11:30 [IST]

ముంబై: పాప్ క్వీన్, ప్రపంచ అందగత్తెగా ఇటీవలే ఎంపికైన జెన్నిఫర్ లోపెజ్ ఇటీవల విడుదల చేసిన ఆన్ ద ఫ్లోర్ అసలు బాణీ తనదేనని ప్రముఖ బాలీవుడ్ సంగీత దర్శకుడు బప్పిలహరి వాదిస్తున్నారు. 1990లో ఘనవిజయం సాధించిన ఘాయల్ చిత్రంలోని సోచ్‌నా క్యా జో భీ హోగా దేఖా జాయేగా పాట బాణీకి అది పూర్తి కాపీ అని ఆయన అంటున్నారు. ఈ పాట తెలుగులో తెల్ల చీరకు తకధిమి తపనలు సాగేనమ్మా సందె వేళల్లో ఇలా సాగుతుంది. లంబాడా తరహా బీట్ ఉన్న ఆన్ ద ఫ్లోర్ ప్రారంభం అంతా తన పాటనే పోలి ఉందని ఆయన అంటున్నారు.

తాను రెండు దశాబ్దాల క్రితం సంవత్సరాల కిందటే భారతదేశంలో లంబాడా సంగీతాన్ని అందిస్తే ఆమె ఇప్పుడు చేసిందని, అందువల్ల దాని ఘనత అంతా తన కు మాత్రమే దక్కాలని బప్పిలహరి అంటున్నారు. శరీరం నిండా బంగారు ఆభరణాలు ధరించి కదిలే నగల దుకాణంలా సందడి చేసే లహరి త్వరలోనే రాకింగ్ దర్దే డిస్కో అనే చిత్రంలో నటించబోతున్నారంట. ఆ విషయాలను ఆయనే ధృవీకరించారు.

Published On May 29, 2012