గ్యాంగ్ రేప్ కాదు, ప్రేమ వ్యవహారమే కారణం: పోలీసులు

హైదరాబాద్: రాజధాని నగరంలో ఆదివారం పట్టపగలే ప్రార్థనాలయానికి వెళుతున్న ఓ ఇంటర్మీడియెట్ అమ్మాయిపై గ్యాంగ్ రేప్ చేసినట్టు వచ్చిన కేసులో పోలీసులు ఛేదించారు. అమ్మాయిపై గ్యాంగ్ రేప్ జరగలేదని పోలీసులు ఉదయమే ప్రకటించారు. అయితే మధ్యాహ్నం వరకు కేసుకు సంబంధించిన పూర్తి వివరాలు సేకరించారు. నిందితుడు వెంకటేష్‌ను ఉదయమే అదుపులోకి తీసుకున్నారు. విచారణ తర్వాత అమ్మాయిపై గ్యాంగ్ రేప్ జరగలేదని వారు మరోసారి స్పష్టం చేశారు. దొరికిన ఆధారాలను బట్టి రేప్ జరగలేదని ఇందులో వెంకటేష్‌కు తప్ప మరెవరికీ ప్రమేయం లేదని తేల్చి చెప్పారు.

అమ్మాయికి వెంకటేష్ ముందే తెలుసునని చెప్పారు. అమ్మాయికి నిందితుడు వెంకటేష్‌కు మధ్య ప్రేమ వ్యవహారం ఉందని అన్నారు. ప్రేమ వ్యవహారం కారణంగానే ఈ ఘటన జరిగిందని చెప్పారు. నిందితుడు వెంకటేష్ కూడా తానొక్కడే ఈ వ్యవహారంలో ఉన్నట్టు ఒప్పుకున్నాడని చెప్పారు. అమ్మాయి సెల్ ఫోన్‌లో కూడా వెంకటేష్ నంబర్ దొరికిందని చెప్పార. ఈ కేసును ఐజి అనురాధ పర్యవేక్షిస్తున్న విషయం తెలిసిందే. కాగా నిందితుడిపై పోలీసులు సెక్షన్ 376 కింద కేసును నమోదు చేశారు. వెంకటేష్ సెంట్రల్ టాక్సు కార్యాలయంలో కారు డ్రైవర్‌గా పని చేస్తున్నాడు.

English summary

Police show development in gang rape incident. Accused Venkatesh attack girl due to love affair.