కాంగ్రెసు పార్టీ నేతగా పురందేశ్వరిని వ్యతిరేకిస్తాం: గోరంట్ల బుచ్చయ్య

విజయవాడ: దగ్గుపాటి పురందేశ్వరిని తెలుగుదేశం పార్టీ వ్యవస్థాపకులు, దివంగత నేత ఎన్టీఆర్ కూతురిగా తాము గౌరవిస్తామని అయితే కాంగ్రెసు వాదిగా మాత్రం వ్యతిరేకిస్తామని తెలుగుదేశం పార్టీ కృష్ణా జిల్లా ఇంఛార్జ్ గోరంట్ల బుచ్చయ్య చౌదరి బుధవారం అన్నారు. పురందేశ్వరిపై తమకు వ్యక్తిగతంలా ఎలాంటి వ్యతిరేకత లేదని చెప్పారు. కాగా కృష్ణా జిల్లా తెలుగుదేశం పార్టీలో ఎలాంటి విభేదాలు లేవని ఆయన స్పష్టం చేశారు.

బాబు జన్మదినాన్ని సంక్షేమ దినంగా జరుపుకుంటామని చెప్పారు. వల్లభనేని వంశీ - దేవినేని ఉమామహేశ్వరరావు మధ్య విభేదాలు తొలగిపోయాయయని చెప్పారు. వల్లభనేని వంశీ వ్యక్తిగత కారణాల వల్లే చంద్రబాబు జన్మదిన వేడుకలకు రాలేదని చెప్పారు. ఆయన రాక పోవడానికి వేరే కారణాలు లేవని చెప్పారు. కాగా తాను వ్యక్తిగత కారణాల వల్లనే జన్మదిన వేడుకలకు రాలేక పోతున్నట్లు వంశీ ప్రకటించారు.

English summary

TDP Krishna district in charge Gorantla Buchaiah Chowdary said today that there is no differences in TDP. He said Vallabhaneni Vamsi was absent to birth day celebrations with personal work.