బాబా ఆరోగ్యం మరింత ఆందోళనకరం, పుట్టపర్తిలో భద్రత పెంపు

పుట్టపర్తి : పుట్టపర్తి సత్య సాయిబాబా ఆరోగ్యం మరింత విషమించింది. బాబా లో బీపితో బాధపడుతున్నారని వైద్యులు చెప్పారు. లో బీపీ వల్ల పల్స్ రేటు పడిపోయిందని అన్నారు. దాంతో కొత్త పేస్ మేకర్ ఏర్పాటుకు సత్య సాయిబాబా శరీరం సహకరించడం లేదని చెప్పారు. సత్య సాయిబాబా హృదయ స్పందనలో లోపాలున్నాయని అన్నారు. కాలేయం తీరు విషమంగా ఉందని చెప్పారు. సిఆర్ఆర్ థెరపీని కొనసాగిస్తున్నట్లు తెలిపారు. వెంటిలేటర్, డయాలసిస్ కొనసాగిస్తున్నట్లు సఫాయా చెప్పారు.

కాగా, పుట్టపర్తిలో పోలీసుల సంఖ్యను పెంచుతున్నారు. పుట్టపర్తి భద్రత దృష్ట్యానే పోలీసులను దింపుతున్నట్లు అనంతపురం జిల్లా ఎస్పీ చెప్పారు. పుట్టపర్తికి రావాల్సిందిగా పోలీసులను ఆదేశించారు. రాష్ట్ర పోలీసు డైరెక్టర్ జనరల్ (డిజిపి) అరవింద్ రావు పుట్టపర్తిలో పరిస్థితిపై సమీక్ష జరిపారు. సత్య సాయిబాబా ఆరోగ్యం విషయంలో గోప్యత మంచిది కాదని ఆయన అన్నారు. అనంతపురం జిల్లా వ్యాప్తంగా పోలీసులను అప్రమత్తం చేశారు.

English summary

Puttaparthi Sathya Saibaba's health condition is still critical, Prashanthi nilayam director Safaya said.