సత్య సాయిబాబా ఆరోగ్యంలో మార్పు లేదు: డాక్టర్ సఫాయా వెల్లడి

పుట్టపర్తి: నిన్నటికీ, ఈరోజుకీ సత్యసాయి బాబా ఆరోగ్యం విషయంలో ఏమీ మార్పు లేదని, ఇప్పటికీ బాబా ఆరోగ్యస్థితి ఆందోళనకరంగానే ఉందని ప్రశాంతి నిలయం సూపర్ స్పెషాలిటీ ఆస్పత్రి డైరెక్టర్ డాక్టర్ సఫాయా చెప్పారు. ఆయన శనివారం ఉదయం బాబా ఆరోగ్యపరిస్థితిపై తాజా బులెటిన్‌ విడుదల చేశారు. బాబాకు వైద్యులు నిరంతరంగా చికిత్స అందిస్తున్నారని, మూత్ర పిండాలకు హిమో డయాలసిస్‌ కొనసాగిస్తున్నామని ఈ నివేదికలో తెలిపారు. వెంటిలేటర్‌ ద్వారా శ్వాస అందిస్తున్నామన్నారు.

కాగా, సత్య సాయి బాబా ఆరోగ్యం కోసం భక్తులు పూజలు నిర్వహిస్తున్నారు. సత్య సాయి బాబా కోలుకుంటారనే ఆశాభావాన్ని వ్యక్తం చేస్తున్నారు. మరో వైపు, పుట్టపర్తిలోకి పోలీసులు బలగాలను దించుతున్నారు. ప్రత్యామ్నాయాల ద్వారా మాత్రమే సత్య సాయిబాబా వైద్యం అందిస్తున్నట్లు శుక్రవారం సాయంత్రం డాక్టర్ రవిరాజ్ చెప్పారు.

English summary

No change in Puttaparthi Sathya Sai baba's health condition, said Dr. Safaya. He released health bulletin on Sathya Sai baba's health condition Saturday morning.