ఒసామా బిన్ లాడెన్ చివరి లక్ష్యం అమెరికా రైల్వే సెక్టార్

Published: Friday, May 6, 2011, 16:21 [IST]

అమెరికా ప్రత్యేక బలగాల చేతిలో హతమైన ఒసామా బిన్ లాడెన్ చివరిగా అమెరికా రైల్వేలను పేల్చడానికి పన్నాగాలు చేసినట్లు తన నివాసంలో దొరికిన ఆధారాల ద్వారా వెల్లడైంది. ఈ దాడులను కూడా సెప్టెంబర్ 11, 2011న చేయాలని ఒసామా ప్లాన్ చేసినట్లు తెలుస్తుంది. వరల్డ్ ట్రేడ్ సెంటర్‌పై దాడి జరిపి 10 ఏళ్లు పూర్తి చేసకున్న తర్వాత ఈ దాడిని చేయాలని ఆల్-ఖైదా కుట్ర పన్నింది. ఇదే గనుక జరిగి ఉంటే వరల్డ్ ట్రేడ్ సెటర్ కన్నా ఎక్కువ ప్రమాదం సంభవించి ఉండేదని అమెరికా తెలిపింది.

ఇదిలా ఉండగా.. లాడెన్ నివసించిన కాంపౌడ్‌ను కూల్చి వేయాలని పాకిస్థాన్ ప్రభుత్వం భావిస్తోంది. మరోవైపు ఒసామ్ బిన్ లాడెన్ చనిపోయిన సందర్భంగా వరల్డ్ ట్రేడ్ సెంటర్ ఘటనలో మరణించిన మృతులకు శ్రద్ధాంజలి ఘటించేదుకు అమెరికా బరాక్ ఒబామా వరల్డ్ ట్రేడ్ సెంటర్ కూలిపోయిన గ్రౌండ్ జీరో ప్రాంతాన్ని సందర్శించి శ్రద్ధాంజలి ఘటించారు.

Published On May 6, 2011