కరుణానిధి కూతురు కనిమొళి అరెస్టుకు కోర్టు ఆదేశం

న్యూఢిల్లీ: డిఎంకె పార్లమెంటు సభ్యురాలు, తమిళనాడు మాజీ ముఖ్యమంత్రి కనిమొళిని అరెస్టు చేయాలని పాటియాలా హౌస్ కోర్టు ఆదేశించింది. ఆమెను అరెస్టు చేసితీహార్ జైలుకు తరలించే అవకాశాలున్నాయి. కలైంగర్ టీవీ చానెల్ మేనేజింగ్ డైరెక్టర్ శరత్ కుమార్‌ను కూడా అరెస్టు చేయాలని పాటియాలా కోర్టు ఆదేశించింది. కనిమొళికి, శరత్ కుమార్‌కు పాటియాలా హౌస్ కోర్టు శుక్రవారం బెయిల్ నిరాకరించింది. 2జి స్పెక్ట్రమ్ కుంభకోణానికి సంబంధించి కనిమొళి 214 కోట్ల రూపాయల లంచం తీసుకున్నారని సిబిఐ తన చార్జీషీట్‌లో ఆరోపించింది.

కనిమొళి పెట్టుకున్న బెయిల్ పిటిషన్‌పై ఉదయమే కోర్టు తుది నిర్ణయం ప్రకటించాల్సి ఉంది. 2జి స్కామ్ కేసులో నిందితుడు డిఎంకె నేత ఎ రాజా ఫిబ్రవరి నుంచి తీహార్ జైలులోనే ఉన్నారు. తన ఆరోగ్యం బాగా లేదని కనిమొళి చెబుతున్నారు. శుక్రవారం కోర్టుకు వచ్చిన సమయంలో కూడా కనిమొళి తీవ్రంగా బాధపడుతున్నట్లు కనిపించారు.

English summary

The Delhi court hearing the 2G case has rejected the bail plea of Kanimozhi, whose father M Karunanidhi, heads the DMK party. The Rajya Sabha MP will be taken to Tihar jail.