• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

సమైక్యవాదులకు షాక్: మహానాడు వేదికపై జై తెలంగాణ అన్న ఎర్రబెల్లి

By Srinivas
|

Errabelli Dayakar Rao
హైదరాబాద్: మహానాడు వేదికపై ప్రసంగించిన అనంతరం జై తెలంగాణ అని తెలుగుదేశం పార్టీ సీనియర్ ఎమ్మెల్యే ఎర్రబెల్లి దయాకరరావు వేడుకలో పాల్గొన్న సమైక్యవాద తెలుగుదేశం పార్టీ నాయకులకు షాక్ ఇచ్చారు. మహానాడు వేదికపై మాట్లాడిన ఎర్రబెల్లి తన ప్రసంగం ముగిసిన అనంతరం జై తెలంగాణ, జై చంద్రబాబు, జై తెలుగుదేశం అని నినాదాలు చేశారు. ఎర్రబెల్లి వేదికపై జై తెలంగాణ అనడం సమైక్యవాదులకు సామాన్యంగా రుచించదు. అయితే తెలంగాణలో ఉన్న పరిస్థితుల నేపథ్యంలో ఎర్రబెల్లి వెనుక ఆ పార్టీ అధినేత చంద్రబాబునాయుడు ఉండటమే అందుకు కారణమని రాజకీయ పరిశీలకులు భావిస్తున్నారు. సాధారణంగా మీడియా ముందు మాట్లాడటం వేరు.

కానీ ఓ పార్టీ జరుకుంటున్న వేడుకలో ఎర్రబెల్లి ఆ తర్వాత మరో ఎమ్మెల్యే కెఎస్ రత్నం జై తెలంగాణ నినాదం చేయడం చంద్రబాబు అనుమతితోనే జరిగిందన్న వాదనలు వినిపిస్తున్నాయి. మహానాడులో తీర్మానం కోసం పట్టుపడుతున్న టిఆర్ఎస్, కాంగ్రెసు పార్టీలతో పాటు ఆ పార్టీ బహిష్కృత ఎమ్మెల్యే నాగం జనార్దన్ రెడ్డికి సరైన సమాధానం ఇవ్వడానికే వేదికపై జై తెలంగాణ నినాదం చేసినట్టుగా భావిస్తున్నారు. పార్టీ వేదికపైనే జై తెలంగాణ నినాదం చేశామని చెప్పడం ద్వారా తమ పార్టీ, పార్టీ అధినేత తెలంగాణకు కట్టుబడే ఉన్నారన్న సంకేతాలు ఇటు ప్రజలకు కూడా ఇచ్చినట్టవుతుందని టిడిపి భావించినట్లుగా తెలుస్తోంది. అంతేకాదు కెసిఆర్‌ను వదిలి రావాలని కూడా ఆయన తెలంగాణవాదులకు సూచించారు.

English summary
Errabelli Dayakar Rao gave Jai Telangana slogan in Mahanadu meeting.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X