నాలుగు ప్రధాన పదవులు వారికే: హరీష్‌ రావు

By Srinivas

Published: Tuesday, June 7, 2011, 14:23 [IST]

హైదరాబాద్: కాంగ్రెసు పార్టీ నీళ్లు, నిధులతో పాటు రాష్ట్రానికి చెందిన నాలుగు ప్రధాన పదవులను కూడా సీమాంధ్ర నేతలకే కట్టబెట్టిందని తెలంగాణ రాష్ట్ర సమితి సిద్దిపేట శాసనసభ్యుడు తన్నీరు హరీష్‌రావు మంగళవారం విమర్శించారు. సీమాంధ్రులకు పదవులు కట్టబెట్టడం ద్వారా తెలంగాణ కాంగ్రెసు నేతలను అవమానించడమే అని ఆయన అన్నారు. కాంగ్రెసు పార్టీ రాష్ట్రంలో అందుకు తగిన మూల్యం చెల్లించుకుంటుందని ఆయన అన్నారు.

తెలంగాణ కాంగ్రెసు ప్రజాప్రతినిధులు ఇప్పటికైనా తెలంగాణ సాధన కోసం ఢిల్లీ పర్యటనలకు వెళ్లకుండా తమ తమ పదవులకు రాజీనామా చేసి ప్రజల్లోకి వెళ్లాలని సూచించారు. అలా అయితేనే కేంద్ర ప్రభుత్వం దిగి వస్తుందని సూచించారు. తెలంగాణలో కాంగ్రెసు పార్టీకి స్థానం లేదన్నారు.

Published On June 7, 2011