వైయస్ హయాంలో అవినీతి నిజం: మాగంటి బాబు

By Srinivas

Published: Monday, August 15, 2011, 14:44 [IST]

ఏలూరు: దివంగత ముఖ్యమంత్రి వైయస్ రాజశేఖర రెడ్డి హయాంలో చాలా అవినీతి జరిగిందని మాజీ మంత్రి మాగంటి బాబు సోమవారం అన్నారు. నాటి మంత్రివర్గంలో తాము ఉన్నామని అందుకే నోరెత్త లేక పోయామని అన్నారు. వైయస్ హయాంలోని మంత్రివర్గంపై విచారణ జరగాల్సిందేనని ఆయన నిక్కచ్చిగా చెప్పారు. తాను సైతం నాటి మంత్రివర్గంలో ఉన్న కారణంగా సిబిఐ విచారణకు సిద్ధంగా ఉన్నానని చెప్పారు. 2004లో వైయస్ అధికారంలోకి వచ్చినప్పటి నుండి కోట్లాది రూపాయలు అక్రమంగా సంపాదించారని ఆరోపించారు.

వైయస్ హయాంలో విచ్చలవిడిగా అక్రమాలు జరిగాయని వైయస్ తీవ్ర ఆరోపణలు ఎదుర్కొన్నారని అన్నారు. సామాజిక సంఘ సంస్కర్త అన్నాహజారే చేస్తున్న అవినీతి వ్యతిరేక దీక్షకు దేశవ్యాప్తంగా మంచి మద్దతు వస్తుందన్నారు. దీనిని చూస్తుంటే అవినీతికి పాల్పడ్డ వారు తీవ్ర పరిణామాలు ఎదుర్కొనే అవకాశం ఉందన్నారు. అన్నా దీక్షకు మద్దతు ఇస్తున్నట్లు చెప్పారు.

Published On August 15, 2011