సోనియా రాజకీయ సలహాదారుపై వైయస్ జగన్ అటాక్

By Pratap

Published: Monday, August 15, 2011, 14:33 [IST]

హైదరాబాద్: వైయస్సార్ కాంగ్రెసు పార్టీ అధ్యక్షుడు, దివంగత నేత వైయస్ రాజశేఖర రెడ్డి తనయుడు వైయస్ జగన్మోహన్ రెడ్డి కాంగ్రెసు అధ్యక్షురాలు సోనియా గాంధీ రాజకీయ సలహాదారు అహ్మద్ పటేల్‌ను లక్ష్యంగా చేసుకుని వ్యాఖ్యలు చేశారు. అహ్మద్ పటేల్ తన తండ్రి రాజశేఖర రెడ్డి ఫోన్ చేసేవారని, పలు కీలక నిర్ణయాల విషయంలో ఒత్తిడి తెచ్చారని, అహ్మద్ పటేల్‌ను అడిగితే ఆ విషయం తెలుస్తుందని ఆయన సోమవారం మీడియా ప్రతినిధుల సమావేశంోల అన్నారు.

తాను ప్రభుత్వ, ప్రైవేట్ వ్యవహారాల్లో జోక్యం చేసుకోలేదని ఆయన స్పష్టం చేశారు. తన తండ్రి అధికారంలో ఉన్నప్పుడు తాను ఏ ఒక్క ఐఎఎస్ అధికారికి కూడా ఫోన్ చేయలేదని, అలా చేశానేమో అధికారులను చెప్పమనండి అని ఆయన అన్నారు. తన తండ్రి అధికారంలో ఉన్నప్పుడు తాను కడప జిల్లాకు, సాక్షి మీడియాకు మాత్రమే పరిమితమయ్యానని ఆయన చెప్పారు. తన పిల్లలు బెంగుళూర్‌లో చదువుతున్నారని ఆయన చెప్పారు. తాను ప్రభుత్వ వ్యవహారాల్లో జోక్యం చేసుకున్నానని ఎలా చెప్పగలుగుతారని ఆయన ప్రశ్నించారు.

Published On August 15, 2011