అన్నాహజారే ఆరోగ్యంగా ఉన్నారు: కిరణ్ బేడీ

న్యూఢిల్లీ: సంఘ సంస్కర్త అన్నాహజారే పూర్తి ఆరోగ్యంగా ఉన్నారని మాజీ ఐపిఎస్ అధికారిణి కిరణ్ బేడీ శుక్రవారం అన్నారు. ఈ రోజుతో అన్నా దీక్ష నాలుగో రోజుకు చేరుకుందని ఆమె స్పష్టం చేశారు. అన్నా దీక్ష కొనసాగుతుందని అన్నారు. అవినీతి నిర్మూలన కోసమే తాము జన్ లోక్‌పాల్ బిల్లు కోసం పట్టుబడుతున్నామని అన్నారు. కాగా మూడు రోజుల పాటు తీహారు జైలులో ఉన్న అన్నాహజారే శుక్రవారం బయటకు రానున్నారు. ఈ నేపథ్యంలో వేలాది ప్రజలు తీహారు జైలుకు చేరుకున్నారు. అన్నాహజారే స్పీచ్ కోసం వేలాది ప్రజలు, అభిమానులు జైలు వద్ద గుమి కూడారు.

కాగా రాంలీలా మైదానంలో అన్నాహజారే దీక్షకు పోలీసులు అనుమతించినందున ఆయన మొదట జైలు నుండి నేరుగా రాజ్ ఘాట్‌లోని మహాత్మా గాంధీ విగ్రహానికి నివాళులు అర్పిస్తారు. అనంతరం అక్కడి నుండి నేరుగా రాంలీలా మైదానం చేరుకొని దీక్షను కొనసాగిస్తారు. అన్నా దీక్ష పదిహేను రోజుల పాటు నిరవధికంగా కొనసాగనుంది.

English summary

Massive crowds around Tihar jail to hear Anna Hazare speak. After three days any time Anna Hazare will come out from Tihar jail.