తెలంగాణపై మీడియా మీద టిజి వెంకటేష్ ఫైర్

By Pratap

Published: Monday, October 24, 2011, 11:26 [IST]

హైదరాబాద్: తెలంగాణ అంశంపై ప్రశ్నించిన మీడియా ప్రతినిధులపై సీమాంధ్రకు చెందిన రాష్ట్ర మంత్రి టిజి వెంకటేష్ ఫైర్ అయ్యారు. ఒకానొక సందర్భంలో నాన్సెన్స్ అని వ్యాఖ్యానించారు. ఎమ్మెల్సీ అభ్యర్థిగా ఎంపికైన పిసిసి మాజీ అధ్యక్షుడు డి. శ్రీనివాస్‌ను అభినందించిన తర్వాత సోమవారం ఉదయం ఆయన మీడియా ప్రతినిధులతో మాట్లాడారు. ఈ సందర్భంలో మీడియా ప్రతినిధులు తెలంగాణ అంశంపై ప్రశ్నించారు. దీనిపై ఆయన తీవ్రంగా ప్రతిస్పందించారు. అనవసర విషయాలకు ప్రాధాన్యం ఇవ్వబోమని ఆయన అన్నారు. పార్టీకి సేవలు చేసినవారికి గుర్తింపు, మద్దతు ఉంటుందని ఆయన అన్నారు.

డి. శ్రీనివాస్ పిసిసి అధ్యక్షుడిగా ఉన్నప్పుడు తాము శానససభ్యులుగా ఎన్నికయ్యామని, డిఎస్ తమకు ఎంతో మద్దతిచ్చారని ఆయన అన్నారు. ముఖ్యమంత్రి మార్పు ఉంటుందని తాను అనుకోవడం లేదని ఆయన అన్నారు. ఇతర పార్టీల నాయకులతో కలిసి పనిచేయకూడదని పిసిసి అధ్యక్షుడు బొత్స సత్యనారాయణ చెప్పడానికి ముందే తమ సమావేశం ఖరారైందని, అభివృద్ధిపై అన్ని పార్టీల నాయకులు కలిసి మాట్లాడుకోవడంలో తప్పు లేదని ఆయన అన్నారు.

Published On October 24, 2011