బెంగళూర్ ఐఐఎస్‌సిపై దాడి, ఆరుగురికి జీవిత ఖైదు

By Pratap

Published: Monday, December 19, 2011, 16:21 [IST]

బెంగళూర్: కర్ణాటక రాజధాని బెంగళూర్‌లోని ఇండియన్ సైన్స్ సంస్థ (ఐఐఎస్‌సి) జరిగిన ఉగ్రవాద దాడి కేసులో ఆరుగురికి జీవిత ఖైదు పడింది. ఆ ఆరుగురికి కూడా ఉగ్రవాద సంస్థ లష్కరే తోయిబాతో సంబంధాలున్నట్లు అనుమానిస్తున్నారు. ఐఐఎస్‌సిపై 2005లో జరిగిన దాడి కేసులో ఆరుగురిని స్థానిక కోర్టు దోషులుగా నిర్ధారిస్తూ శనివారం తీర్పును వెలువరించింది. వారికి జీవిత ఖైదును ఖరారు చేస్తూ సోమవారం తన నిర్ణయాన్ని వెల్లడించింది.

మొహమ్మద్ రజా - ఉల్ - రెహ్మాన్, అఫ్జల్ పాషా, మెహబూబ్ ఇబ్రహీం, మిరుద్దీన్ ఖాన్, నిజాముద్దీన్, మున్నాలకు కోర్టు జీవిత ఖైదు విధించింది. దేశంపై యుద్ధాన్ని ప్రకటించినందుకు, ఉగ్రవాద దాడికి పథకం వేసినందుకు ఆ ఆరుగురిని కోర్టు దోషులుగా నిర్ధారించింది. కుట్ర అభియోగం మోపిన మరో వ్యక్తిని మాత్రం నిర్దోషిగా విడుదల చేసింది.

Published On December 19, 2011