అమెరికాలో బెంగళూర్ సాఫ్ట్వేర్ ఇంజనీర్ మృతి
కాగ్నిజెంట్లో పనిచేస్తున్న పవన్ కుమార్ అంజయ్య అనే సాఫ్ట్వేర్ ఇంజనీర్ అమెరికాలోని హోటల్ గదిలో మత్తుపదార్థాలను మోతాదుకు మించి తీసుకోవడం వల్ల మరణించినట్లు అనుమానిస్తున్నారు. డేలవారే స్టేట్ పోలీసులు చెప్పినట్లు ఈ మేరకు అమెరికా మీడియా వార్తకథానాలను ఇచ్చింది. న్యూజెర్సీలోని వేయినే కౌంటీలో గల బెల్లెవెల్లే నగరంలోని గదిలో అతను జూన్ 19వ తేదీన మరణించాడు.
వారం రోజులు గడిచినా మృతదేహం నగరానికి రాకపోవడంతో పవన్ కుమార్ అంజయ్య కుటుంబ సభ్యులు సంస్థపై ఆరోపణలు చేస్తున్నారు. మీడియాతో మాట్లాడవద్దంటూ సంస్థ యజమానులు చేతులు దులుపుకుంటున్నారని వారు అంటున్నట్లు ఓ ప్రముఖ ఆంగ్ల దినపత్రిక రాసింది. పవన్ కుమార్ అంజయ్య ఏ విధమైన నేరానికి పాల్పడలేదని వారు అంటున్నారు.
డానిల్లే మెహమాన్ అనే 26 ఏళ్ల టీచర్, నాలుగేళ్ల బాలుడి తల్లి హత్య కేసులో పోలీసులు పవన్ కోసం ఇప్పటి వరకు గాలిస్తున్నారు. ఆమె శవం డేలావారేలోని దేవెయ్ బీచ్ హోటల్ గదిలో ఆమె శవం జూన్ 18వ తేదీన కనిపించింది. ఆమె శరీరంపై పలు గాయాలున్నాయి. ఆమెతో పవన్ హోటల్ గదిని పంచుకున్నట్లు పోలీసుల ప్రాథమిక దర్యాప్తులో తేలినట్లు వార్తలు వస్తున్నాయి. పవన్ నిజానికి వచ్చే వారం బెంగళూర్ తిరిగి రావాల్సి ఉంది.
Click it and Unblock the Notifications
Sign in with Google