• search
  • Live TV
వేగవంతమైన అలర్ట్స్ కోసం
వెంటనే సబ్‌స్క్రైబ్ చేసుకోండి  
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

దయతలిస్తే త్వరలోనే చిరంజీవి సిఎం: రామచంద్రయ్య

By Srinivas
|

Ramachandraiah
రాజమండ్రి: తమ పార్టీ నేత, రాజ్యసభ సభ్యుడు ముఖ్యమంత్రి అవుతారని దేవాదాయ శాఖ మంత్రి సి.రామచంద్రయ్య మరోసారి అన్నారు. ఆయన శనివారం తూర్పు గోదావరి జిల్లాలోని అన్నవరంలో విలేకరులతో మాట్లాడారు. సత్యదేవుడు దయతలిస్తే చిరంజీవి త్వరలోనే ముఖ్యమంత్రి అవుతారని రామచంద్రయ్య ఆకాంక్షించారు. రాష్ట్రంలోని ప్రముఖ దేవాలయాల పాలకమండళ్ల నియామకం కోసం రెవెన్యూ మంత్రితో త్వరలో సమావేశమై అభ్యర్థుల ఎంపిక జరుపుతామన్నారు. భక్తులు ఎటువంటి సమస్యలు ఎదుర్కొనకుండా ప్రణాళికలు సిద్ధం చేస్తున్నామని చెప్పారు.

గత కొన్ని రోజులుగా సి.రామచంద్రయ్యతో పాటు మరో మంత్రి గంటా శ్రీనివాస రావు చిరంజీవి భవిష్యత్తులో ముఖ్యమంత్రి అవుతారని చెబుతున్న విషయం తెలిసిందే. బుధవారం గంటా శ్రీనివాస రావు విశాఖపట్నం జిల్లాలో మీడియాతో మాట్లాడారు. చిరంజీవి భవిష్యత్తులో ముఖ్యమంత్రి కావడం ఖాయమని జోస్యం చెప్పారు. చిరంజీవి ముఖ్యమంత్రి అవుతారన్న రామచంద్రయ్య వ్యాఖ్యలపై ఆయనను విలేకరులు ప్రశ్నించగా.. చిరంజీవి ప్రజల మనిషి అని, ఆయన ప్రజల నుండి వచ్చిన వ్యక్తి అని, అలాంటి వ్యక్తి భవిష్యత్తులో ఖచ్చితంగా ముఖ్యమంత్రి అవుతారని, ఇందులో ఎలాంటి అనుమానాలకు తావు లేదని, చిరంజీవి సిఎం అవుతారని తాను గట్టిగా విశ్వసిస్తున్నానని గంటా శ్రీనివాస రావు చెప్పారు.

అంతకుముందు కూడా తమ చిరంజీవి విషయంలో రాష్ట్ర దేవాదాయ శాఖ మంత్రి సి. రామచంద్రయ్య శనివారం సంచలన వ్యాఖ్యలు చేసిన విషయం తెలిసిందే. చిరంజీవి త్వరలో ముఖ్యమంత్రి అవుతారని ఆయన అన్నారు. అయితే, నేరుగా చెప్పకుండా పరోక్షంగా ఆ విషయం చెప్పారు. పశ్చిమ గోదావరి జిల్లా ద్వారకా తిరుమలలో ఆయన శనివారం కాపు కళ్యాణ మండపాన్ని ప్రారంభించారు. ఈ సందర్భంగా ఆయన ఆ వ్యాఖ్యలు చేశారు. చిరంజీవి ముఖ్యమంత్రి కావాలని ప్రజలు కోరుకుంటున్నారని, ప్రజల అభీష్టం త్వరలో నెరవేరుతుందని ఆయన అన్నారు.

English summary
Endowments minister Ramachandraiah Said on Saturday that Congress MP K.Chiranjeevi would become the CM in future.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X