• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

ఫుల్ టైమ్ పాలిటిక్స్: రాహుల్ వెనుక ప్రియాంక గాంధీ

By Srinivas
|

Priyanka Gandhi
న్యూఢిల్లీ: పార్టీలో ఏఐసిసి ప్రధాన కార్యదర్శి రాహుల్‌ గాంధీ క్రియాశీలకంపై ఓ వైపు జోరుగా చర్చ జరుగుతుండగానే మరోవైపు ఆయన సోదరి ప్రియాంక గాంధీ కూడా పార్టీలో బాధ్యతలు తీసుకునేందుకు సిద్ధమవుతున్నారట. ఆమె క్రియాశీలక రాజకీయాల్లోకి వచ్చేంతుకు తన దూకుడు పెంచుతున్నారట. ఇందులో భాగంగా ఆమె తన తల్లి ప్రాతినిథ్యం వహిస్తున్న రాయబరేలీ నుండి ప్రస్థానం ప్రారంభించనున్నారని తెలుస్తోంది.

తన తల్లి సోనియాగాంధీ తరఫున రాయబరేలీ నియోజకవర్గ బాధ్యతలు నిర్వహించేందుకు సిద్ధమవుతున్నారు. సోనియా అందుబాటులో లేని సమయంలో... ప్రియాంక ఆ నియోజకవర్గ ప్రజల కష్టాలు తీర్చేందుకు ఢిల్లీలో దర్బార్ నిర్వహించేందుకు ఏర్పాట్లు చేస్తున్నారట. ఈ నియోజకవర్గం వారితో ప్రతి బుధవారం ఢిల్లీలో ప్రియాంక సమావేశం ఏర్పాటు చేయనున్నారట. అందిన సమాచారం మేరకు ఆమె నియోజకవర్గ సమస్యలపై నిత్యం వారితో చర్చించనున్నారట.

ఇప్పటిదాకా... రాయబరేలీ, అమేథీల్లో ఎన్నికల ప్రచారానికి మాత్రమే పరిమితమైన ప్రియాంక ఇప్పుడు... రాజకీయ పాత్ర కూడా పోషించేందుకు సిద్ధమవుతున్నట్లు కాంగ్రెస్ వర్గాలు చెబుతున్నాయి. ఆమె రాకతో యూపీలో కాంగ్రెస్‌కు పూర్వవైభవం వస్తుందని పార్టీ వర్గాలు భావిస్తున్నాయి. 2014 లోక్‌సభ ఎన్నికలను బలంగా ఎదుర్కోవాలన్నా ప్రియాంకలాంటి 'కొత్త శక్తి' అవసరమని పేర్కొంటున్నాయి.

యూపీ ఎన్నికల్లో రాహుల్ విపరీతంగా శ్రమించినా..పెద్దగా ఫలితం లభించని విషయాన్ని గుర్తు చేస్తున్నాయి. "రాహుల్ మరింత పెద్ద పాత్ర పోషించాలని పార్టీలో అన్ని స్థాయిల వారు కోరుకుంటున్నారు. మరింత క్రియాశీలకంగా మారేందుకు ఇటీవల రాహుల్ అంగీకరించినప్పటికీ... ఎప్పుడు అనే విషయాన్ని తిరిగి సోనియాకే వదిలేశారు'' అని పార్టీ వర్గాలు అంటున్నాయి.

English summary
Priyanka Gandhi started handling the responsibilities which have so far been taken care of by her mother and Congress President Sonia Gandhi. Taking the first step in the mission, Priyanka began interacting with people from Rae Bareli, constituency of Mrs Gandhi.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X