నటి జియా ఖాన్ ఆత్మహత్య: సూరజ్ లింక్స్‌పై విచారణ

By Pratap

Published: Tuesday, June 4, 2013, 13:45 [IST]

ముంబై: ఆత్మహత్య చేసుకున్న నటి జియా ఖాన్‌తో నటుడు ఆదిత్య పంచోలీ కుమారుడు సూరజ్‌తో సంబంధాలపై పోలీసులు ఆరా తీస్తున్నట్లు సమాచారం. ముంబైలోని జుహూలో గల తన నివాసంలో జియా ఖాన్ ఉరేసుకుని ఆత్మహత్య చేసుకున్న విషయం తెలిసిందే.

విచారణ నిమిత్తం పోలీసులు సూరజ్‌ను పిలిచి అవకాశాలున్నట్లు తెలుస్తోంది. జియా, సూరజ్ మంచి మిత్రులు. ఇరువురు కలిసి పార్టీలకు వెళ్తుండేవారు. జియాతో సూరజ్ తెగదెంపులు తీసుకున్నాడని, దీంతో జియా ఖాన్ మనస్తాపానికి గురైందని అంటున్నారు. తిరిగి సినిమాల్లో నటించాలనే జియా ప్రయత్నం కూడా అంతగా పలించలేదని అంటున్నారు.

ఆడిషన్ తర్వాత హైదరాబాదు నుంచి తిరిగి వచ్చిన జియా ఖాన్ ఉరేసుకుని మరణించింది. సూరజ్ నటుడిగా ఎదగాలనే ప్రయత్నంలో ఉన్నాడు. సల్మాన్ ఖాన్ అతనికి అవకాశం ఇవ్వనున్నట్లు సమాచారం.

నఫీషా ఖాన్‌గా ప్రసిద్ధి పొందిన జియా ఖాన్ 2007లో అమితాబ్ సరసన వివాదాస్పద సినిమా నిశబ్ద్ తర్వాత చిత్రరంగ ప్రవేశం చేసింది. గజనీలో అమీర్ ఖాన్ సరసన, హౌస్‌ఫుల్‌లో అక్షయ్ కుమార్ పక్కన జియా ఖాన్ నటించింది.

Published On June 4, 2013