పెళ్లి పేరుతో యువతికి వేధింపులు, ఆమె మేనత్తకు కూడా.. డేటింగ్ యాప్‌లో ఫోటో..

Updated: Sunday, May 30, 2021, 23:20 [IST]

ప్రేమ, పెళ్లి పేరుతో ఆకతాయిల ఆగడాలు మించిపోతున్నాయి. యువతులకు కంటి మీద కునుకు లేకుండా చేస్తున్నారు. నిత్యం ఎదో ఒకచోట ఇలాంటి ఘటన వెలుగులోకి వస్తూనే ఉంది. తాజాగా అనంతపురం జిల్లాలో వెలుగులోకి వచ్చింది. అయితే సదరు యువకుడు.. యువతీతోపాటు ఆమె మేనత్తను కూడా వదల్లేదు. ఆమె నెంబర్ పోర్న్ సైట్లలో పెట్టి మరీ హరాస్ చేశాడు. పోలీసులకు ఫిర్యాదు చేయడంతో ఆకతాయిని అరెస్ట్ చేశారు.

పేరంట్స్‌ను చంపుతానని..

ప్రేమ పేరుతో యువతిని వేధింపులకు గురిచేసిన ఆకతాయి కటకటలా పాలయ్యాడు. పెళ్లి చేసుకోకపోతే తల్లిదండ్రులను చంపుతానని బెదిరించిన అతడిని పోలీసులు అరెస్ట్ చేశారు. అనంతపురం జిల్లా తాడిపత్రి ప్రాంతానికి చెందిన పాలకూరు నవీన్ లా రెండవ సంవత్సరం చదువుతున్నాడు. చదివేది లా.. అయిన చేసేవీ ఆకతాయి పనులే. టిక్ టాక్ మనుగడలో ఉన్న సమయంలో అందులో వీడియోలు చేసేవాడు. అలా చాలా మందికి ఫ్రెండ్ రిక్వెస్ట్ పంపించి స్నేహం చేశాడు.

స్నేహం చేసి..

టిక్‌టాక్‌ ద్వారా చాలా మందికి ఫ్రెండ్‌ రిక్వెస్టులు పంపించి.. అందులో యువతులు, మహిళలతో స్నేహం చేశాడు. తర్వాత తన అసలు బుద్దిని ప్రదర్శించాడు. ఎవరు నవీన్ పై ఫిర్యాదు చేసే దైర్యం చెయ్యలేదు. కానీ అతని పాపం పండింది. తాజాగా ఓ యువతిని ఆన్‌లైన్‌ వీడియో బ్లాగింగ్‌ యాప్‌ ద్వారా పరిచయం చేసుకున్నాడు. ప్రేమిస్తున్నానని తనను పెళ్లి చేసుకోవాలని వేధింపులకు గురిచేస్తున్నాడు. దీంతో ఆ యువతి భరించి... భరించి, చివరికి పెద్దలకు విషయం తెలియజేసింది.

మేనత్తకు చెప్పగా.. ఆమెకు అశ్లీల వీడియోలు

సదరు యువతికి అశ్లీల వీడియోలను పంపేవాడు. రోజులు గడిచే కొద్దీ నవీన్ చేష్టలు ఎక్కువ అయ్యాయి. తనను పెళ్లి చేసుకోకపోతే తల్లిదండ్రులను చంపేస్తానని బెదిరించాడు. నవీన్ వేధింపులకు విసిగిపోయిన యువతి.. మేనత్తకు తెలిపింది. దీంతో ఆమె నవీన్‌ను మందలించింది. ఆమెపై కక్ష పెంచుకున్నాడు. మేనత్తను వేధింపులకు గురిచేయడం స్టార్ట్ చేశాడు. అసభ్య వీడియోలను పంపాడు.

డేటింగ్ యాప్‌లో ఫోటో

డేటింగ్ యాప్స్‌లో ఆమె ఫోటో పెట్టి ఫోన్ నంబర్ ఇచ్చాడు.. దీంతో సదరు మహిళకు రోజు కాల్స్ వస్తుండటంతో ఆమె సైబర్ క్రైం పోలీసులను ఆశ్రయించింది. కేసు నమోదు చేసుకున్న పోలీసులు.. దర్యాప్తు చేసి సాంకేతిక ఆధారాలను సేకరించాడు. నిందితుడు నవీన్‌ను అరెస్ట్‌ చేశారు.