ఏపీ సర్కారు గుడ్ న్యూస్.. CRDAలో ఉద్యోగాలకు నోటిఫికేషన్ !

ఆంధ్రప్రదేశ్ ప్రభుత్వం నిరుద్యోగులకు తీపికబురు ప్రకటించింది. క్యాపిటల్ రీజియన్ డెవలప్‌మెంట్ అథారిటీ (APCRDA) రాజధాని అమరావతిలో జరుగుతున్న నిర్మాణ పనుల పర్యవేక్షణ, టెక్నికల్ సపోర్ట్ కోసం భారీ స్థాయిలో ఉద్యోగాల భర్తీకి నోటిఫికేషన్ విడుదల చేసింది. మొత్తం 132 కాంట్రాక్ట్ పోస్టులు భర్తీ చేయనున్నట్లు ఏపీ సీఆర్‌డీఏ కమిషనర్ ప్రకటించారు.

భర్తీ చేయబోయే పోస్టులు..

ఇంజనీరింగ్ విభాగం..

• చీఫ్ ఇంజినీర్ - 4 పోస్టులు
• సూపరింటెండింగ్ ఇంజినీర్ - 8 పోస్టులు
• ఎగ్జిక్యూటివ్ ఇంజినీర్ - 15 పోస్టులు
• డిప్యూటీ ఎగ్జిక్యూటివ్ ఇంజినీర్ - 25 పోస్టులు
• అసిస్టెంట్ ఎగ్జిక్యూటివ్ ఇంజినీర్/అసిస్టెంట్ ఇంజినీర్ - 50 పోస్టులు

ఫైర్ సేఫ్టీ విభాగం..

• సీనియర్ ఫైర్ సేఫ్టీ ఎక్స్‌పర్ట్ - 2 పోస్టులు
• జూనియర్ ఫైర్ సేఫ్టీ ఎక్స్‌పర్ట్ - 4 పోస్టులు

ఎలక్ట్రికల్ & ELU విభాగం..

• సీనియర్ ఎలక్ట్రికల్/ELU ఎక్స్‌పర్ట్ - 2 పోస్టులు
• జూనియర్ ఎలక్ట్రికల్/ELU ఎక్స్‌పర్ట్ - 6 పోస్టులు

ప్లంబింగ్ విభాగం..

• సీనియర్ ప్లంబింగ్ ఎక్స్‌పర్ట్ - 2 పోస్టులు
• జూనియర్ ప్లంబింగ్ ఎక్స్‌పర్ట్ - 6 పోస్టులు

HVAC విభాగం..

• సీనియర్ HVAC ఎక్స్‌పర్ట్ - 2 పోస్టులు
• జూనియర్ HVAC ఎక్స్‌పర్ట్ - 6 పోస్టులు

అర్హతలు..

ఈ పోస్టులకు దరఖాస్తు చేసుకోవాలనుకునే అభ్యర్థులు సంబంధిత విభాగంలో డిగ్రీ/డిప్లొమా/ప్రొఫెషనల్ క్వాలిఫికేషన్ కలిగి ఉండాలి. ప్రభుత్వ, ప్రైవేట్ రంగాల్లో అనుభవం ఉన్న వారికి ప్రాధాన్యం ఇవ్వనున్నారు.

ఎంపిక విధానం..

ఎంపిక ఇంటర్వ్యూ/మెరిట్ బేస్ ఆధారంగా జరగనుంది. కాంట్రాక్ట్ పద్ధతిలో నియామకం జరుగుతుందని, పనితీరు ఆధారంగా కాంట్రాక్ట్‌ను పొడిగించే అవకాశం ఉంటుందని అధికారులు తెలిపారు.

జీతం..

పోస్టుల ప్రకారం జీతభత్యాలు నిర్ణయించబడతాయి. సీనియర్ పోస్టులకు అధిక ప్యాకేజీలు, జూనియర్ స్థాయి ఉద్యోగులకు మార్కెట్‌ ఆధారంగా స్పర్థాత్మక జీతాలు అందించనున్నారు. సీఆర్‌డీఏలో పనిచేయడం ద్వారా రాష్ట్ర రాజధాని అమరావతి అభివృద్ధిలో భాగస్వామ్యం అవుతారు.

దరఖాస్తు విధానం..

ఆసక్తి గల అభ్యర్థులు ఏపీ సీఆర్‌డీఏ అధికారిక వెబ్‌సైట్లోని కెరీర్స్ సెక్షన్‌ను సందర్శించి, నోటిఫికేషన్‌లో సూచించిన విధంగా ఆన్‌లైన్‌లో దరఖాస్తు చేసుకోవాలి. అర్హతలు, అనుభవం, అవసరమైన డాక్యుమెంట్లు, అప్లికేషన్ ఫీజు వంటి వివరాలు కూడా అక్కడే అందుబాటులో ఉంటాయి. ఆసక్తి కలిగిన అభ్యర్ధులు ఈ అవకాశాన్ని సద్వినియోగం చేసుకోవచ్చు.

English summary

Andhra Pradesh government has announced good news for the unemployed. The Capital Region Development Authority (APCRDA) has issued a notification for the recruitment of large-scale jobs for the supervision and technical support of the construction works underway in the capital Amaravati.