జనసేన ఎమ్మెల్యే రాసలీలలు.. బాధితురాలు సంచలన వీడియో..

రైల్వే కోడూరు జనసేన ఎమ్మెల్యే, ఏపీ కూటమి ప్రభుత్వ విప్ అరవ శ్రీధర్ రాసలీలలు వీడియో ఇప్పుడు రాష్ట్ర రాజకీయాల్లో సంచలనంగా మారింది. విపక్ష వైఎస్ ఆర్ కాంగ్రెస్ పార్టీ సామాజిక మాధ్యమాల వేదికగా ఈ వీడియోను విడుదల చేసింది. ఇందుకు సంబంధించిన వీడియోపై ప్రస్తుతం రాష్ట్ర వ్యాప్తంగా చర్చ జరుగుతోంది. జనసేన ఎమ్మెల్యే అరవ శ్రీధర్ ఫేస్‌ బుక్ ద్వారా మహిళను పరిచయం చేసుకొని పెళ్లి చేసుకుంటా అంటూ సుమారు ఏడాదిన్నరగా అక్రమ సంబంధం పెట్టుకున్నట్లు బాధితురాలు ఆరోపించారు. ఇందుకు సంబంధించిన వీడియో ఇప్పుడు సామాజిక మాధ్యమాల్లో వైరల్ గా మారింది.

జనసేన ఎమ్మెల్యే అరవ శ్రీధర్ రాసలీలల వీడియో ఇప్పుడు చర్చనీయాంశంగా మారింది. ఫేస్ బుక్ ద్వారా ఓ మహిళా ఉద్యోగిని పరిచయం చేసుకున్న ఎమ్మెల్యే అరవ శ్రీధర్ ఆమెతో వివాహేతర సంబంధం పెట్టుకున్నట్లు సమాచారం. అలా ఆమెకు ఐదు సార్లు అబార్షన్ చేయించినట్లు తేలింది. ఇందుకు సంబంధించిన వివరాలను సదరు మహిళ ఓ వీడియో సందేశం ద్వారా బయట పెట్టింది.

" నేను రైల్వే కోడూరులో ప్రభుత్వ ఉద్యోగం చేస్తున్నాను. సంవత్సరన్నర ముందు ఫేస్ బుక్ ద్వారా జనసేన ఎమ్మెల్యే అరవ శ్రీధర్ తనతో పరిచయం పెంచుకున్నాడు. నాతో చనువుగా ఉంటూనే నా బ్యాక్ గ్రౌండ్ గురించి మొత్తం తెలుసుకున్నాడు. న్యూడ్ వీడియో కాల్స్ చేయాలని వేధించాడు. లేదంటే నీ లైఫ్ కొలాప్స్ చేస్తానని బెదిరించాడు. నీ కొడుకు నీవు ఒక్కరే ఉంటారు జాగ్రత్త అంటూ భయపెట్టాడు. కలుస్తావా లేదా అంటూ వేధించసాగాడు. అలా ఓ రోజు ఇంటి నుంచి కారులో ఎక్కించుకుని వెళ్లి ఓ నిర్మానుష్య ప్రాంతం వద్ద కారులో నాపై అఘాయిత్యానికి పాల్పడ్డాడు. ఈ విషయం బయట చెప్తే చంపేస్తానని బెదిరించాడు. అలా రెండు మూడు సార్లు కొట్టాడు. అలా నన్ను భయపెట్టి ఏడాదిన్నర కాలంలో ఐదుసార్లు అబార్షన్ చేయించాడు.

ఆగ‌స్టులో ఫ‌స్ట్ ప్రెగ్నెన్సీ వ‌స్తే దాన్ని అబార్ష‌న్ చేయించుకోవాల‌ని ఒత్తిడి చేశాడు

పెళ్లి చేసుకుంటాన‌ని ప్రామీస్ చేయ‌డంతో అబార్ష‌న్ చేసుకున్నా

గ‌త ఏడాదిన్న‌ర కాలంలో 5సార్లు అబార్ష‌న్స్ అయ్యాయి

నా భ‌ర్త‌కు కాల్ చేసి విడాకులు ఇవ్వాల‌ని బెదిరించాడు. ఏడాదిన్న‌ర‌గా న‌న్ను టార్చ… pic.twitter.com/qDV2o64qOf

— oneindiatelugu (@oneindiatelugu) January 27, 2026

నీ భర్తకు విడాకులు ఇవ్వు. నిన్ను పెళ్లి చేసుకుంటాను అని నమ్మించి అబార్షన్ చేయించాడు. అలా రోజూ బెదిరించి.. ఇంటికొచ్చి కొట్టేవాడు. నాకు తెలియకుండానే నా భార్తకు ఫోన్ చేసి విడాకులు ఇవ్వాలని లేదంటే చంపేస్తానని బెదిరించాడు. ఈ ఘటన తెలిసిన తరువాత మా ఫ్యామిలీ నాకు దూరమయ్యారు. నా భర్త బాబును తీసుకుని వెళ్లిపోయాడు. గత ఆరు నెలలుగా ఒంటరిగానే ఉన్నాను. నేను నిన్ను పెళ్లిచేసుకోను. నీ గురించి ఎవడు వస్తాడో చూస్తాను అంటూ బెదిరించాడు. 20 రోజులుగా నన్ను వదిలేశాడు" అని బాధితురాలు ఓ వీడియో ద్వారా తెలిపారు.