భర్తను వల్లో వేసుకుందని మహిళను కట్టేసి కొట్టింది

వరంగల్: వరంగల్ జిల్లాలో దారుణమైన సంఘటన చోటు చేసుకుంది. వరంగల్ జిల్లా వర్ధన్నపేట మండలం పున్నేలు గ్రామంలో ఓ మహిళను కరెంట్ స్తంభానికి కట్టేసి చితకబాదిన సంఘటన చోటు చేసుకుంది. వివాహితుడైన అల్లావుద్దీన్‌నము పెళ్లి చేసుకుందనే కోపంతో ఆమెను మొదటి భార్య హసీనా, ఆమె బంధువులు ఈ దారుణానికి పాల్పడ్డారు.

ముగ్గురు పిల్లలు ఉన్న తన భర్తను మాయమాటలతో నాగమణి లోబరుచుకుందని హసీనా ఆరోపించింది. అయితే, అల్లావుద్దీన్ తనను పెళ్లి చేసుకున్నాడని, మొదటి భార్యను ఒప్పించి కాపురం పెట్టిస్తానని ఇక్కడికి తీసుకుని వచ్చాడని నాగమణి చెబుతోంది.

ఇదిలావుంటే, గొడవ జరుగుతుండగానే అల్లావుద్దీన్ అక్కడి నుంచి పారిపోయాడు. గ్రామస్థులు అడ్డుకుని పోలీసులకు సమాచారం ఇచ్చారు. పోలీసులు సంఘటనా స్థలానికి చేరుకుని చికిత్స నిమిత్తం నాగమణిని వరంగల్ ఎంజిఎం ఆస్పత్రికి పంపించారు.

ఈ సంఘటన స్థానికంగా తీవ్ర సంచలనం సృష్టించింది. గ్రామస్తులు ఈ సంఘటనను చూసి నివ్వెరపోయారు.

English summary

A woamn has been tiedup to a current pole and beatenup in Warangal district.