Youth: యువకుడిని నరికేసి తలతో ఎస్కేప్, బావిలో మొండెం విసిరేసి, అక్రమ సంబంధమా ?, పాతకక్షలా?!
బెంగళూరు/ బెళగావి: గ్రామంలో నివాసం ఉంటున్న గ్రామస్తులు ఊరి బయట పొలాల్లో వ్యవసాయం చేస్తున్నారు. ప్రతిరోజు ఉదయం నుంచి సాయంత్రం పొద్దుపోయే వరకు గ్రామస్తులు పంటపొలాల్లోనే పనులు చేసుకుంటున్నారు. పొలాల్లో చాలా మంది పాత బావుల్లోని ీటితో, కొంతమంది బోరుబావిల్లోని నీటితో వ్యవసాయం చేస్తున్నారు. ఉదయం బావి దగ్గరకు వెళ్లిన రైతులు తల లేని యువకుడి మొండెం చూసి బిత్తరపోయారు. యువకుడిని దారుణంగా హత్య చేసిన నిందితులు తల ఎత్తుకుని వెళ్లి మొండెం మాత్రం బావిలో విసిరివేయడం కలకలం రేపింది.
ACB: మాజీ మంత్రి, ఎమ్మెల్యేకి చుక్కలు చూపించిన ఏసీబీ, ఇల్లు, గెస్ట్ హౌస్, అపార్ట్ మెంట్, ఆఫీసుల్లో
వ్యవసాయం చేస్తున్న గ్రామస్తులు
కర్ణాటకలోని బెళగావి జిల్లాలోని బెళగావి తాలుకాలోని ముతగా గ్రామంలో వందల కుటుంబాలు నివాసం ఉంటున్నాయి. ముతగా గ్రామంలో నివాసం ఉంటున్న వాళ్లు ఊరి బయట పొలాల్లో వ్యవసాయం చేస్తున్నారు. ప్రతిరోజు ఉదయం నుంచి సాయంత్రం పొద్దుపోయే వరకు గ్రామస్తులు పంటపొలాల్లోనే పనులు చేసుకుంటున్నారు.
హడలిపోయిన గ్రామస్తులు
పొలాల్లో చాలా మందికి పాత బావులు ఉన్నాయి. కొంతమంది రైతులు బోరుబావులు వేసుకుని వ్యవసాయం చేస్తున్నారు. ఉదయం బావి దగ్గరకు వెళ్లిన కొందరు రైతులు పని చేసిన తరువాత బావిలోని నీటితో కాళ్లు చేతులు శుభ్రం చేసుకోవడానికి వెళ్లారు. ఆ సందర్బంలో బావిలో తల లేని 30 ఏళ్ల వయసు ఉన్న యువకుడి తల లేని మొండెం చూసి రైతులు బిత్తరపోయారు.
అక్రమ సంబంధమా ?, పాతకక్షలా?
యువకుడి మొండెం మాత్రం చిక్కడంతో హడలిపోయిన గ్రామస్తులు పోలీసులకు సమాచారం ఇచ్చారు. బెళగావి గ్రామీణ పోలీసులు సంఘటనా స్థలానికి చేరుకుని పరిశీలించి బావిలో నుంచి యువకుడి మొండెం బయటకు తీశారు. యువకుడిని దారుణంగా హత్య చేసిన నిందితులు తల ఎత్తుకుని వెళ్లి మొండెం మాత్రం బావిలో విసిరివేయడం కలకలం రేపింది.
రెండు రాష్ట్రాల సరిహద్దులో?
మహారాష్ట్ర కర్ణాటక సరిహద్దులోని జిల్లాలో యువకుడిని హత్య చేసి తల ఎత్తుకుని వెళ్లడంతో అనేక అనుమానాలు వ్యక్తం అవుతున్నాయని పోలీసులు అంటున్నారు. పాతకక్షల కారణంగా యువకుడిని హత్య చేశారా ?, అక్రమ సంబంధం కారణంగా హత్య జరిగిందా ?. హత్యకు గురైన యువకుడు ఏ రాష్ట్రానికి చెందిన వాడు అని ఆరా తీస్తున్నామని బెళగావి పోలీసు అధికారులు అంటున్నారు.