హైదరాబాద్ సిటీలో కొత్తగా 3 కొత్త డీసీపీ జోన్లు, 5 ఉమెన్ సేఫ్టి వింగ్, 40 కొత్త పోలీస్ స్టేషన్లు

హైదరాబాద్: నగర పోలీసుల పునర్వ్యవస్థీకరణకు గ్రీన్ సిగ్నల్ ఇస్తూ తెలంగాణ ప్రభుత్వం శనివారం జంట నగరాలు, సబ్ డివిజన్లలో 40 కొత్త పోలీస్ స్టేషన్లను ఏర్పాటు చేస్తూ నోటిఫికేషన్ విడుదల చేసింది. ఈ నోటిఫికేషన్ ప్రకారం.. హైదరాబాద్, సైబరాబాద్‌లలో మూడు కొత్త డీసీపీ జోన్లు, లా అండ్ ఆర్డర్ కోసం 11 సబ్ డివిజన్లు, 1 ట్రాఫిక్ కోసం సృష్టించబడ్డాయి.

మరోవైపు 11 లా అండ్ ఆర్డర్ పోలీస్ స్టేషన్లు, 13 ట్రాఫిక్ పోలీస్ స్టేషన్లను ఏర్పాటు చేశారు. 2 కమిషనర్స్ టాస్క్ ఫోర్స్, 5 ఉమెన్ సేఫ్టీ వింగ్, ఐటీ సెల్ 1, హైదరాబాద్ నార్కోటిక్స్-1, సైబర్ క్రైమ్స్-1, సెక్రటేరియట్ సెక్యూరిటీ-1 యూనిట్ సహా ఆరు ప్రత్యేక విభాగాలను ఏర్పాటు చేశారు.

మూడు కొత్త జోన్లు ఇవే:

సౌత్ ఈస్ట్ జోన్, సౌత్ వెస్ట్ జోన్, ఉమెన్ సేఫ్టీ వింగ్.

కొత్త సబ్ డివిజన్లు:
గాంధీనగర్, చిలకల్‌గూడ, ఉస్మానియా యూనివర్సిటీ, త్రిముల్‌ఘేరి, చాంద్రాయణగుట్ట, సైదాబాద్, గోల్కొండ, కుల్సుంపురా, ఛత్రినాక, జూబ్లీహిల్స్, ఎస్‌ఆర్ నగర్.

40 కొత్త పోలీస్ స్టేషన్లు ఏర్పడ్డాయి:

సెంట్రల్, ఈస్ట్, వెస్ట్, సౌత్ ఈస్ట్, సౌత్ వెస్ట్ జోన్‌లలోని దోమల్‌గూడ, లేక్ పోలీస్ స్టేషన్, ఖైరతాబాద్, వారసిగూడ, తాడ్‌బండ్, బండ్లగూడ, ఐఎస్ సదన్, టోలీచౌకి, గుడి మల్కాపూర్, మాసబ్ ట్యాంక్, ఫిలింనగర్, రహ్మత్‌నగర్, బోరబండ, మహిళా పోలీస్ స్టేషన్లు.

కొత్త ట్రాఫిక్ పోలీస్ స్టేషన్లు:

వీటితో పాటుగా మారేడ్‌పల్లి, బోవెన్‌పల్లి, జూబ్లీహిల్స్, ఎస్‌ఆర్ నగర్, అంబర్‌పేట్, నల్లకుంట, నారాయణగూడ, చిల్కలగూడ, బహదూర్‌పురా, సంతోష్ నగర్, చాంద్రాయణగుట్ట, టోలీచౌకీ, లంగర్ హౌస్‌లు - 13 కొత్త ట్రాఫిక్ పోలీస్ స్టేషన్‌లను కూడా ప్రభుత్వం ఏర్పాటు చేసింది.
కాగా, ప్రభుత్వం సౌత్ ఈస్ట్, సౌత్ వెస్ట్ ట్రాఫిక్ జోన్‌లను, మూడవ ట్రాఫిక్ డీసీపీ జిల్లాను కూడా సృష్టించింది.

English summary

telangana Govt issues order for 40 new police stations in hyderabad.