గ్యాంగ్ రేప్ : పరిచయస్తుడే అన్న నమ్మకంతో వెళితే..

న్యూఢిల్లీ : ఢిల్లీలో మరో గ్యాంగ్ రేప్ ఘటన చోటు చేసుకుంది. తెలిసినవాడే కదా అన్న నమ్మకంతో.. అతని ఫ్లాట్ వెళ్లినందుకు.. మరో ముగ్గరు యువకులతో కలిసి రెండు రోజుల పాటు సదరు మైనర్ బాలికపై లైంగిక దాడి చేశాడు ఓ నీచుడు. అక్కడితో ఆగకుండా ఆ దృశ్యాలను సెల్ ఫోన్లలో చిత్రీకరించి పైశాచిక ఆనందం పొందారు.

వివరాల్లోకి వెళితే.. ఢిల్లీకి చెందిన ఓ పదో తరగతి బాలికను కరణ్ అనే ఓ యువకుడు బైక్ పై గుడికి తీసుకెళ్లాడు. తొలుత బస్టాండ్ లో ఉన్న ఆమెతో కరణ్ మాటలు కలపడంతో.. తెలిసిన వ్యక్తే కదా అన్న నమ్మకంతో అతని వెంట బయలుదేరింది బాలిక. అనంతరం మాయ మాటలతో ఆమెను తన ఫ్లాట్ వరకు తీసుకెళ్లాడు. ఆ తర్వాత మరో ముగ్గురు యువకులు ఆ ఫ్లాట్ కు వచ్చారు. బాలిక స్నేహితుడైన కరణ్, అతని స్నేహితుడు కరణ్ ఇద్దరు కలిసి ఆమెపై లైంగిక దాడి చేశారు. మహేశ్, కాలా మరో ఇద్దరు మిత్రులు ఆ దృశ్యాలను వీడియో తీశారు.

రెండు రోజుల పాటు బాలికను తమ ఫ్లాట్ లోనే బంధించి ఈ దారుణానికి ఒడిగట్టారు నిందితులు. అనంతరం విషయం బయటకు పొక్కితే చంపేస్తామంటూ బెదిరించారు. అయితే సదరు బాలిక ఇంటికి చేరుకోగానే జరిగిందంతా తల్లిదండ్రలకు చెప్పడంతో.. వారు పోలీసులను ఆశ్రయించారు. కాగా, ప్రస్తుతం ఆ నిందితులంతా పరారీలో ఉన్నట్లు సమాచారం.

English summary

Class 10 Student Gang-Raped In South Delhi Flat For 2 DaysDelhi | Press Trust of India