ఢిల్లీలో మహిళల నీళ్ల ఫైట్, నెట్లో హల్‌చల్ (వీడియో)

న్యూఢిల్లీ: నీళ్ల గురించి మహిళలు గొడవ పడుతుండటం మనం పలు సందర్భాల్లో చూస్తూనే ఉంటాం. చాలా సినిమాలలో నీళ్ల గురించి మహిళలు గొడవ పెట్టుకునే సన్నివేశాలు చూసి ఉంటాము. నిజ జీవితంలో కుళాయిల వద్ద, బోర్ల వద్ద, ట్యాంకర్ల వద్ద మహిళలు పోటీపడి నీళ్లు పట్టుకోవడాన్ని చూస్తుంటాం.

ఇలాంటి సంఘటనే ఒకటి ఢిల్లీలో జరిగింది. దక్షిణ ఢిల్లీలోని మహిపల్పూర్ గ్రామంలోని మహిళలు నీటి కోసం బాహాబాహికి దిగిన ఓ వీడియో ఇప్పుడు ఇంటర్నెట్లో హల్‌చల్ చేస్తోంది. నీటి కోసం మహిళలు ఒకరిని మరొకరు తోసుకున్నారు... లాక్కున్నారు.

అక్కడికి ఓ నీళ్ల ట్యాంకర్ వచ్చింది. ఆ సమయంలో ఈ గొడవ జరిగింది. ఒకరిని తోసుకొని మరొకరు, ఫైటింగ్ చేస్తూ నీటిని పట్టుకున్నారు. ఢిల్లీ జల్ బోర్డు పైన మహిళలు తీవ్రంగా మండిపడుతున్నారు. ఎక్కువ ట్యాంకర్లు కొన్ని ఇళ్లకే నీళ్లను పోస్తున్నాయని, మిగతా గ్రామానికి మొత్తం ఒకే ట్యాంకర్ ఇస్తున్నారని ఆరోపించారు.

English summary

This video is doing the rounds on social media showing women residents of South Delhi’s Mahipalpur village attacking each other after a row over sharing water. These women started fighting with each other as soon as the water tanker came to their place. They alleged that while Delhi Jal Board’s (DJB’s) tankers do come to the area, most of them catered to only to a few houses while a single tanker supplied water to the rest of the village.