పోలింగ్ వివరాలు బయటపెట్టలేమని సుప్రీంకు తేల్చేసిన ఈసీ-మిమ్మల్ని ఎలా నమ్మాలన్న కపిల్ సిబల్ !

దేశవ్యాప్తంగా లోక్ సభ ఎన్నికల ప్రక్రియ కొనసాగుతోంది. వివిధ దశల్లో జరుగుతున్న పోలింగ్ ముగియగానే పోలింగ్ శాతాల్ని బహిరంగపర్చడం లేదంటూ ఈసీపై దాఖలైన కేసు విచారణలో భాగంగా సుప్రీంకోర్టుకు ఈసీ సమర్పించిన అఫిడవిట్ లో కీలక అంశాల్ని పేర్కొంది. పోలింగ్ శాతాల్ని బూత్ ల వారీగా ప్రజలకు తెలియజేయాల్సిన చట్టపరమైన బాధ్యత తమకు లేదని ఎన్నికల సంఘం తెలిపింది. దీనిపై స్పందించిన ప్రముఖ లాయర్ కపిల్ సిబల్ అలా అయితే ఈసీని ఎలా నమ్మాలని ప్రశ్నించారు.

అన్ని పోలింగ్ బూత్ లలో నమోదైన ఓట్ల వివరాలను ప్రజలకు బహిరంగ పేర్చాల్సిన అవసరం లేదని సుప్రీంకోర్టుకు సమర్పించిన అఫిడవిట్ లో ఈసీ తెలిపింది. ఈ వివరాలు పోటీలో ఉన్న అభ్యర్ధులకు, వారి ఏజెంట్లకు తెలిస్తే చాలని పేర్కొంది. ప్రతీ పోలింగ్ బూత్ లో పోలైన ఓట్లను తెలిపే ఫామ్ 17ను ఆన్ లైన్ లో అప్ లోడ్ చేయడం కుదరదని ఈసీ తేల్చిచెప్పేసింది. ఇందులో పోస్టల్ బ్యాలెట్ ఓట్లు కూడా ఉంటాయి కాబట్టి అది అంతిమంగా ఓటర్లలో గందరగోళానికి కారణమవుతుందని తెలిపింది.

ప్రతీ దశ ఎన్నికల తర్వాత ప్రతీ బూత్ లో నమోదైన ఓట్ల వివరాలను 48 గంటల్లోకా ఆన్ లైన్ లో పెట్టేలా ఈసీని ఆదేశించాలంటూ అసోసియేషన్ ఫర్ డెమోక్రటిక్ రిఫార్మ్స్ (ఏడీఆర్) అనే స్వచ్చంద సంస్థ దాఖలు చేసిన పిటిషన్ పై విచారణ సందర్భంగా సుప్రీంకోర్టుకు ఈసీ ఈ అఫిడవిట్ సమర్పించింది. ఈసీకి ఇలా ఇవ్వాల్సిన చట్టపరమైన బాధ్యత కూడా ఉందని తెలిపింది. దీనిపై స్పందిస్తూ అలాంటి చట్టపరమైన బాధ్యత తమకు లేదని ఈసీ వివరణ ఇచ్చింది.

Election Commission :

Tells Supreme Court :

No legal mandate to upload Form 17 which is the record of votes polled at a polling station

Truly shocking !

If the votes counted are uploaded why not the votes polled ?

How do we trust such a Commission !

— Kapil Sibal (@KapilSibal) May 23, 2024

English summary

the election commission told supreme court that no legal mandate to share voter turnout with public and lawyer Kapil sibal ask then how do we trust the ec.