భారత్లో 'ఇండియాస్ డాటర్' నిషేధంపై కిరణ్ బేడి ఏమన్నారు..?
న్యూఢిల్లీ: 2012లో న్యూఢిల్లీలో జరిగిన నిర్భయ ఘటనపై లెస్లి ఉడ్విన్ ‘ఇండియాస్ డాటర్' పేరుతో బిబిసి కోసం తీసిన డాక్యుమెంటరీపై నిషేధం విధించడాన్ని మాజీ ఐపీఎస్ అధికారిణి, బీజేపీ నేత కిరణ్ బేడీ తప్పుబట్టారు.
ప్రస్తుతం అమెరికా పర్యటనలో ఉన్న కిరణ్ బేడీ అక్కడ ప్రదర్శితమైన ‘ఇండియాస్ డాటర్' డాక్యుమెంటరీని వీక్షించారు. అనంతరం ఆమె మాట్లాడుతూ భారత్లో డాక్యుమెంటరీపై నిషేధం విధించడం పొరబాటు చర్యేనని అన్నారు.
అసలు డాక్యుమెంటరీలో ఏముందో చూడకుండా, విశ్లేషించకుండా ఎలా నిర్ణయం తీసుకుంటారని ఆమె ప్రశ్నించారు. ఆడవారి పట్ల మగవారి మైండ్ సెట్ను కళ్లకు కట్టినట్లుగా తెరకెక్కించిన ఆ డాక్యుమెంటరీతో కొందరి మనసైనా మారే అవకాశం ఉందని తెలిపారు.
ఇంతకీ వీడియోలో ఏముంది?
60 నిముషాల నిడివి ఉన్న ఈ వీడియోలో భారత్లో ఆడపిల్లకు రక్షణ లేదనే నిజాన్ని చెప్పింది. ఎన్నో వందల ఏళ్లనుంచి భారత్లో ఉన్న పురుషాధిక్యతను చూపింది. శిక్ష పడినా పశ్చాత్తాపం రాలేదనే యదార్ధాన్ని, ఆడదాన్ని కేవలం వంటింటి కుందేలుగానే భావిస్తారనే అసలు సత్యాన్ని చూపించింది.
Click it and Unblock the Notifications
Sign in with Google