బళ్లారిలో బాంబు పేల్చిన మాజీ డీసీఎం, ఫోన్ చేసి రాజీనామా చెయ్యమన్నారు. అంతే !

Published: Friday, April 14, 2023, 17:42 [IST]

బెంగళూరు/బళ్లారి: కర్ణాటక అసెంబ్లీ ఎన్నికల్లో పోటీ చెయ్యడానికి మరోసారి అవకాశం రాని బీజేపీ నాయకులు, సిట్టింగ్ ఎమ్మెల్యేలు రగిలిపోతున్నారు. కొంత మంది బీజేపీ ఎమ్మెల్యేలు తిరుగుబాటు చెయ్యడంతో మరి కొంత మంది లోలోపల రగిలిపోతున్నారు. అయితే మాజీ ఉప ముఖ్యమంత్రి కేఎస్. ఈశ్వరప్ప బళ్లారిలో బాంబు పేల్చారు.

బీజేపీ హైకమాండ్ మాకు ఎందుకు టిక్కెట్లు ఇవ్వలేదు ?, అసలు ఏం జరిగింది ? అని మాజీ ఉప ముఖ్యమంత్రి కేఎస్. ఈశ్వరప్ప వివరణ ఇచ్చారు. కేఎస్. ఈశ్వరప్ప బళ్లారిలోని ఆయన ఇంటి దేవుడు అయిన శ్రీచాముండేశ్వరి దేవాలయంలో ప్రత్యేక పూజలు చెయ్యడానికి శుక్రవారం కుటుంబ సభ్యులతో కలిసి బళ్లారి వెళ్లారు.

కేంద్ర మంత్రి ధర్మేంద్ర ప్రధాన్ తనకు, మాజీ సీఎం జగదీష్ శెట్టర్ కు ఫోన్లు చేసి మీరు అసెంబ్లీ ఎన్నికల్లో పోటీ చెయ్యకుండా తప్పుకోవాలని, మీరు రాజకీయాల నుంచి తప్పుకోవాలని చెప్పారని కేఎస్. ఈశ్వరప్ప మీడియాకు చెప్పారు. బీజేపీ సీనియర్ నేత బీఎల్, సంతోష్ కూడా తనతో మాట్లాడి ఇదే విషయం చెప్పారని కేఎస్. ఈశ్వరప్ప అన్నారు.

బీజేపీ హైకమాండ్ సూచన మేరకే తాను రాజకీయాల నుంచి తప్పుకున్నానని, మాజీ సీఎం జగదీష్ శెట్టర్ గురించి తనకు తెలీదని కేఎస్. ఈశ్వరప్ప అన్నారు. తనకు బీజేపీ ఇంతకాలం ఉన్నత పదువులు. పార్టీలో ఉన్నత స్థానం కల్పించిందని, బీజేపీ మీద తనకు ఎలాంటి కోపం లేదని, తాను అన్ని పదవులు అనుభవించానని కేఎస్. ఈశ్వరప్ప వివరించారు.

అసెంబ్లీ ఎన్నికల్లో పోటీ చెయ్యనంత మాత్రానా తనకు ఎలాంటి నస్టం లేదని. చిన్న పదవి నుంచి ఉప ముఖ్యమంత్రి పదవి వరకు తాను బీజేపీలో అనుభవించానని, ఇక ముందు కూడా తాను బీజేపీ కోసం పని చేస్తానని కేఎస్. ఈశ్వరప్ప వివరించారు. తన కుమారుడు కాంతేష్ శివమొగ్గలో పోటీ చెయ్యడానికి బీజేపీ హైకమాండ్ అవకాశం ఇస్తే తనకు అంతే చాలు అని మాజీ ఉప ముఖ్యమంత్రి కేఎస్. ఈశ్వరప్ప తన మనసులోని మాట బయటపెట్టారు.

Published On April 14, 2023