షాకింగ్‌ వీడియో: చిన్నారికి కొద్దిలో తప్పిన బస్సు ప్రమాదం..

ఓ చిన్నారి ప్రాణాలను బస్సు డ్రైవర్ చాకచక్యంగా కాపాడాడు. చిన్నారి ఒక్కసారిగా రోడ్డు మీదకు రావడంతో అది గమనించిన బస్సు డ్రైవర్ సమయస్ఫూర్తిగా వ్యవహరించి ఆ బాలిక ప్రాణాలు కాపాడాడు. ఇందుకు సంబంధించిన వీడియో సామాజిక మాధ్యమాల్లో వైరల్ అవుతోంది. ఈ ఘటన కేరళలోని కోజికోడ్ జిల్లాలో జరిగింది.

కేరళలోని కోజికోడ్ జిల్లాలో షాకింగ్ ఘటన జరిగింది. ఓ చిన్నారి ఉన్నట్టుండి రోడ్డు వైపు పరుగెత్తింది. ఒక బస్సు వేగంగా దూసుకొచ్చింది. అయితే ఒక్క క్షణంలో చిన్నారిని గమనించిన బస్సు డ్రైవర్‌ చాకచక్యంగా వ్యవహరించాడు. దీంతో ఆ బాలికకు ప్రాణాపాయ ముప్పు తప్పింది. ఈ షాకింగ్‌ వీడియో ప్రస్తుతం సోషల్‌ మీడియాలో వైరల్‌ అయింది.

വാഹനാപകടത്തില്‍ നിന്ന് പെൺകുട്ടി രക്ഷപ്പെട്ടത് തലനാരിഴയ്ക്ക്, സംഭവം കൊടിയത്തൂരിൽ#accident #viralvideo #kozhikode pic.twitter.com/VyE6oKqHaP

— DD News Malayalam (@DDNewsMalayalam) February 2, 2026

వీడియోలోని దృశ్యాల ప్రకారం.. కొడియత్తూరు ప్రాంతానికి చెందిన చిన్నారి ఒక్కసారిగా ఆటో పక్క నుంచి రోడ్డు మీదకు పరుగెత్తింది. ఈ క్రమంలోనే ఓ బస్సు వేగంగా దూసుకొచ్చింది. అయితే చిన్నారిని గమనించిన బస్సు డ్రైవర్‌.. బస్సు దిశ మార్చి వెంటనే బ్రేక్‌ వేశాడు. చిన్నారి వెంటనే వెనుకకు పరుగెత్తింది. ఇక నెటిజన్లు.. చిన్నారి ప్రాణాలు కాపాడిన బస్సు డ్రైవర్‌ ను ప్రశంసించారు.