కొడుకు గొంతుపై కత్తి.. అరిస్తే చంపుతామని తల్లిపై రేప్

లక్నో: ఉత్తరప్రదేశ్‌లో ముజఫర్ నగర్‌లో అల్లర్లు జరుగుతున్న సమయంలో ఇంటి నుండి పారిపోయిన ఓ మహిళ పైన ఆమె కొడుకు ముందే ముగ్గురు దుండగులు అత్యాచారానికి పాల్పడ్డారు. కష్టపడి కట్టుకున్న కొత్తింట్లో హాయిగా జీవిస్తున్న తమను ముజఫర్ నగర్ ఘర్షణలు ఆ ఇంటి నుండి పారిపోయేలా చేశాయని 26 ఏళ్ల బాధితురాలు వాపోయింది.

అల్లర్లు జరుగుతున్న సమయంలో సహాయ శిబిరానికి ఆమె తన తనయుడితో వెళ్తుండగా.. ముగ్గురు మగాళ్లు ఆమె రెండేళ్ల కొడుకు గొంతు పైన కత్తి పెట్టి బెదిరించి, సమీపంలోని చెరకు తోటలోకి లాక్కెళ్లి అత్యాచారం చేశారు.

తాను అరిస్తే తన కుమారుడిని చంపుతామని బెదిరించడంతో తాను నిస్సహాయంగా ఉండిపోవాల్సి వచ్చిందని ఆమె ఆవేదన వ్యక్తం చేశారు. తన భర్తకు ఈ విషయం తెలిస్తే ఏమవుతుందోనని భయపడి తాను చెప్పలేదని, వారం రోజుల తర్వాత తాను భర్తకు విషయాన్ని చెప్పగా, ఆయన ఇచ్చిన ధైర్యంతో పోలీసులకు ఫిర్యాదు చేశానని బాధితురాలు వివరించారు.

English summary

Mother raped in front of her son in Uttar Pradesh at the time of Muzaffarnagar riots.