ముకేశ్ అంబానీతో పెళ్లికి నీతా షరతు! ఇద్దరి బంధం కుదిరిందిలా..

ముంబై: రిలయన్స్ అధినేత ముకేశ్ అంబానీ సతీమణి నీతా అంబానీ అన్న సంగతి తెలిసిందే. అయితే వీరి నడుమ బంధం ఎలా కుదిరిందో తెలుసా? ఇటీవల జరిగిన రిలయన్స్ గ్రూప్ 40 ఏళ్ల ఉత్సవంలో తన కుటుంబానికి చెందిన కొన్ని విషయాలను ముకేశ్ అంబానీయే స్వయంగా వెల్లడించారు.

తన భార్య నీతా ఉపాధ్యాయురాలిగా పనిచేసిందని.. తాను రిలయన్స్ వ్యాపారంలోకి అడుగుపెట్టకపోయి ఉంటే ప్రపంచ బ్యాంకులో పనిచేసేవాడినని, లేదా ఏదైనా యూనివర్సిటీలో టీచింగ్ ప్రొఫెషన్‌లో ఉండి ఉండేవాడినని చెప్పారు.

నీతా తన ఐదేళ్ల వయసులోనే భరతనాట్యం నేర్చుకున్నారు. నార్సి మోంజీ కామర్స్ అండ్ ఎకనామిక్స్ కాలేజీ నుంచి ఆమె డిగ్రీ పట్టా పుచ్చుకున్నారు. తర్వాత ఓ పాఠశాలలో టీచర్‌గా చేరారు.

ఒకవైపు ఉపాధ్యాయురాలిగా తన బాధ్యతలు నిర్వహిస్తూనే మరోవైపు దేశవ్యాప్తంగా భరతనాట్య ప్రదర్శనలిచ్చేవారామె. ఓసారి ఓ ప్రదర్శనలో ముకేశ్ తండ్రి ధీరూభాయ్ అంబానీ నీతాను చూశారు.

తన కొడుకు ముకేశ్‌కు ఆమె సరైన జోడీ అని నిశ్చయించుకుని నీతా తల్లిదండ్రులతో మాట్లాడారు. ముకేశ్‌కి కూడా నీతా నచ్చింది. అయితే పెళ్లికి ఆమె ఓ షరతు పెట్టింది. వివాహం అనంతరం తాను టీచర్ వృత్తిని కొనసాగిస్తానని చెప్పింది.

దీనికి ముకేశ్ అంగీకరించడంతో వారిద్దరి వివాహం జరిగింది. చెప్పినట్లుగానే పెళ్లి తరువాత కూడా నీతా కొద్ది నెలల వరకు టీచర్‌గా పనిచేసింది. ఆ తరువాత రిలయన్స్ వ్యాపారంలో ఆమె బాధ్యతలు స్వీకరించారు.

English summary

Nita got trained in Indian classical dance (Bharatanatyam) from the age of five. She has an undergraduate degree in Commerce from Narsee Monjee (NM) College of Commerce and Economics and had taken up a job as a school teacher. Nita had often travelled around the country for performances, and it was during one such performance that late Mr Dhirubhai Ambani noticed her and wanted his older son Mukesh to marry her. Nita met Mukesh and love blossomed. Mukesh popped the question and Nita said yes. But there was one condition. Since Nita had worked as a school teacher and wanted to continue her profession even after marriage. Mukesh gave his nod to this condition and soon the two got married.