ట్యూషన్కు వచ్చిన బాలికపై టీచర్ రేప్, వేరే వ్యక్తితో...
లుథియానా: విద్యార్థిని అత్యాచారం చేశాడనే ఆరోపణలతో లుథియానాలో పోలీసులు ఓ ప్రయివేటు ఉపాధ్యాయుడిని అరెస్టు చేశారు. నిందితుడిని 37 ఏళ్ల పంకజ్ అరోరాగా గుర్తించారు. ఇతను గత నాలుగు నెలలుగా బాధిత బాలికకు చదువు చెబుతున్నాడు.
పదిహేనేళ్ల బాధిత బాలిక తమ కుటుంబం ఉంటున్న సమీపంలోని ఓ ప్రయివేటు పాఠశాలలో చదువుతోంది. నిందితుడైన ఈ టీచర్ వద్దకు ట్యూషన్ కోసం వెళ్తోంది. శుక్రవారం సాయంత్రం ట్యూషన్ పాయింటుకు వెళ్లిన బాలికను ఉపాధ్యాయుడు అత్యాచారం చేశాడు.
ఈ విషయాన్ని బాలిక తల్లిదండ్రులకు చెప్పింది. వారు శరభ నగర్ పోలీసు స్టేషన్లో ఫిర్యాదు చేశారు. దీంతో పోలీసులు అతనిని శనివారం ఉదయం అరెస్టు చేశారు. పోలీసులు బాలికను వైద్య పరీక్షల నిమిత్తం పంపించారు. కాగా, బాధిత బాలిక ఫోన్లో ఓ యువకుడితో మాట్లాడుతుండగా.. గుర్తించిన ఉపాధ్యాయుడు తల్లిదండ్రులకు చెబుతానని బ్లాక్ మెయిల్ చేసే ప్రయత్నం చేశాడట.