లైంగిక వేధింపు: తమిళ కెప్టెన్ టీవి ఛానల్ ఎడిటర్ అరెస్ట్

By Srinivas

Updated: Sunday, December 22, 2013, 16:34 [IST]

చెన్నై: తెహెల్కా తేజ్‌పాల్ అరెస్టు అనంతరం తాజాగా తమిళ టివి ఛానల్ ఎడిటర్ లైంగిక వేధింపుల కేసులో అరెస్టయ్యాడు. ఆదివారం తమిళనాడు పోలీసులు కెప్టెన్ టివి ఎడిటర్‌ను అదుపులోకి తీసుకున్నారు. కెప్టెన్ టివి ఛానల్ డిఎండికె పార్టీని నడుపుతున్న ప్రముఖ హీరో విజయకాంత్‌ది.

తమిళనాడు బేస్డ్ ఈ టీవి ఛానల్ ఎడిటర్‌ను పోలీసులు లైంగిక వేధింపుల కేసులో అరెస్టు చేశారు. ఛానళ్లో గతంలో పని చేసిన ఓ మహిళను ఎడిటర్ వేధిస్తున్నట్లుగా ఆరోపణలు వచ్చాయి. అయితే, టీవి ఛానల్ వర్గాలు మాత్రం ఈ ఫిర్యాదు చాలా రోజుల క్రితమే వెనక్కి తీసుకున్నారని చెబుతున్నాయి.

కొద్ది రోజుల క్రితం తెహెల్కా ఎడిటర్ ఇన్ చీఫ్ తరుణ్ తేజ్‌పాల్ లైంగిక వేధింపుల కేసులో అరెస్టు కావడం సంచలనం సృష్టించిన విషయం తెలిసిందే. తేజ్‌పాల్ తన వద్ద పని చేస్తున్న జర్నలిస్టు పట్ల గోవాలో అసభ్యంగా ప్రవర్తించాడు. బాధితురాలి ఫిర్యాదు మేరకు పోలీసులు అతనిని అరెస్టు చేశారు. అరెస్టు అనంతరం తన నేరాన్ని అంగీకరించిన తేజ్‌పాల్ ఇది ఆమె అంగీకారంతోనే చొరవ తీసుకున్నట్లుగా చెప్పినట్లుగా తెలుస్తోంది.