ఉగ్రవాదులతో లింక్, వీడు ఏం చేశాడంటే, పిన్ టూ పిన్ సేకరించాలని ప్లాన్ తో ?

లక్నో/ఉత్తరప్రదేశ్: పాకిస్థాన్ ఇంటెలిజెన్స్ ఏజెన్సీ ఐఎస్‌ఐతో నేరపూరిత కుట్ర పన్నినందుకు, అక్రమ ఆయుధాల నిల్వకు పాల్పడిన వ్యక్తిని ఉత్తరప్రదేశ్ స్పెషల్ టాస్క్ ఫోర్స్ అధికారులు శుక్రవారం అరెస్టు చేశారు. అరెస్టు అయిన వ్యక్తిని కలీమ్‌గా గుర్తించారు. నిందితుడి పూర్తి సమాచారం బయటకు లాగాలని పోలీసు అధికారులు అనేక కోణాల్లో విచారణ చేస్తున్నారు.

అక్రమ ఆయుధాలు సేకరించడం ద్వారా కలీమ్ భారతదేశంలోని ఐక్యత, సమగ్రత, సార్వభౌమత్వం మరియు సామాజిక సామరస్యానికి భంగం కలిగించడానికి, భారతదేశ అంతర్గత, బాహ్య భద్రతను దెబ్బతీసేందుకు కొన్ని ముఖ్యమైన చర్యలకు పాల్పడేందుకు రహస్య సమాచారాన్ని పంచుకుంటున్నట్లు పోలీసు అధికారుల విచారణలో తెలిసింది.

భారత్‌లోని భద్రతకు సంబంధించిన ప్రదేశాల ఫొటోలు, వాట్సాప్ సందేశాలు వాట్సాప్ ద్వారా ఐఎస్‌ఐ, పాకిస్థాన్‌లోని ఉగ్రవాద సంస్థలకు పంపినట్లు నివేదికలు తెలిపాయి. నవభారత్ టైమ్స్ ప్రకారం, కలీమ్ భారతదేశంలో జిహాద్‌ను వ్యాప్తి చేయడానికి ప్రయత్నిస్తున్నాడు. ఒక ఇన్ఫార్మర్ నుండి అతని కార్యకలాపాల గురించి పోలీసులకు ఒక సమాచారం వచ్చింది.

కలీమ్ సోదరుడు తహసీన్ లేదా తసీమ్ కూడా దేశ వ్యతిరేక కార్యకలాపాలకు పాల్పడ్డారని అధికారులు చెప్పారని స్థానిక మీడియా తెలిపింది. అధికారుల విచారణలో కలీమ్ అహ్మద్ భారతదేశంలో మత సామరస్యానికి భంగం కలిగించడానికి మరియు ఇస్లామిక్ రాజ్య స్థాపన కోసం చురుకుగా పని చేయడానికి తాను ఆదేశాలు ఇచ్చానని అంగీకరించాడు.

ముఖ్యంగా అతను నకిలీ గుర్తింపు కార్డులు ఉపయోగించి సిమ్ కార్డును పొందాడు. పాకిస్థాన్‌లో తనకున్న పరిచయాలకు రాఫెల్ యుద్ధ విమానాల చిత్రాలతో సహా రక్షణ వ్యవస్థల ఫొటోలను నిందితులు ఉగ్రవాదులకు పంపినట్లు తెలిసింది. అయితే నిందితుల గురించి పూర్తి వివరాలు తెలిసిన తరువాత పూర్తి సమాచారం బయటకు చెబుతామనిన ఉత్తరప్రదేశ్ పోలీసు అధికారులు తెలిపారు.

English summary

Uttar Pradesh Police has arrested a man on suspicion of having links with terrorists