ఎయిర్ హోస్టెస్‌‌ను వీడియో తీసిన బంగ్లాదేశీయుడు అరెస్ట్

By Srinivas

Published: Friday, April 22, 2016, 16:46 [IST]

ముంబై: ఇండిగో ఎయిర్ లైన్స్ విమానంలో ఓ ఎయిర్ హోస్టెస్ పట్ల అసభ్యంగా ప్రవర్తించిన బంగ్లాదేశ్ జాతీయుడని పోలీసులు అరెస్టు చేశారు. ఎయిర్ హోస్టెస్ ఫోటోలు తీసి, వీడియో చిత్రీకరించిన అతనిని ముంబై ఎయిర్ పోర్ట్ భ‌ద్ర‌తా సిబ్బంది అరెస్ట్ చేశారు.

కోల్‌కతా నుంచి ముంబై బ‌య‌లుదేరిన‌ ఇండిగో ఎయిర్ లైన్స్ విమానంలో ఈ సంఘ‌ట‌న చోటుచేసుకుంది. ఎయిర్ హోస్టెస్ స‌ర్వీస్ అందిస్తోన్న స‌మ‌యంలో విమానంలో ఉన్న ఓ వ్య‌క్తి త‌న స్నేహితులైన మ‌రో ఇద్దరితో క‌లిసి సెల్‌ఫోన్ సాయంతో వీడియో తీసే ప్రయత్నం చేశాడు.

దీనిని గ‌మ‌నించిన మరో ప్ర‌యాణికుడు అధికారుల‌కు స‌మాచారం ఇచ్చాడు. దీంతో విష‌యం బ‌య‌ట‌ప‌డింది. ఎయిర్ హోస్టెస్ వీడియో చిత్రీక‌ర‌ణ‌కు పాల్ప‌డిన నిందితుడ్ని అరెస్టు చేశారు. నిందితుడికి సాయం చేసిన అత‌డి ఇద్ద‌రు స్నేహితుల‌ను కూడా అదుపులోకి తీసుకున్నారు. నిందితుడు ఎయిర్ హోస్టెస్ ఫోటోలు తీస్తుంటే తాను చూశానని ఓ ప్రయాణికుడు చెప్పారు.

Published On April 22, 2016