విమానాశ్రయంలో కూతురును లగేజీని లాక్కెళ్లినట్లుగా ఈడ్చుకెళ్లిన తండ్రి (వీడియో)

Updated: Wednesday, January 9, 2019, 14:15 [IST]

వాషింగ్టన్: వాషింగ్టన్ డూల్స్ అంతర్జాతీయ విమానాశ్రయంలో ఓ తండ్రి తన కూతురును సామానును (లగేజీ) పట్టుకొని లాక్కెళ్లినట్లుగా తీసుకు వెళ్లాడు. ఇందుకు సంబంధించిన వీడియో సోషల్ మీడియాలో వైరల్ అవుతోంది. కూతురును అలా లాక్కొని వెళ్తుంటే వీడియో తీసారు. దానిని సోషల్ మీడియాలో పోస్ట్ చేశారు.

కూతురును లాక్కెళ్తూ

కుమార్తె టోపీ ఉండే స్వెట్టర్ లేదా జాకెట్ వంటి దుస్తులు ధరించింది. ఆ టోపీని పట్టుకొని విమానాశ్రయంలో నుంచి ఆమెను లాక్కొని వెళ్తున్నాడు. తండ్రి కూతురును లాక్కెళ్తుండగా మరో కూతురు వారి వెనుక నడుస్తోంది. ఆ పాప పింక్ కలర్ జాకెట్ ధరించి ఉంది.

లగేజీని లాక్కెళ్తున్నట్లుగా

ఈ సంఘటన కొత్త ఏడాది రోజున జరిగింది. వీడియో తాజాగా వెలుగు చూసింది. దీంతో ఇది వైరల్‌గా మారింది. తండ్రి తనను లాక్కెళ్తున్నా ఆ చిన్నారి అరవడం కానీ, భయపడడం కానీ చేయలేదు. చేతిలో లగేజీ మరో సోదరి వారిని అనుసరించింది.

తండ్రి ఏమన్నారంటే

కాగా, ఈ వీడియో వైరల్ కావడంతో తండ్రి స్పందించాడని తెలుస్తోంది. కుమార్తె తన వెనక నడవడం ఇబ్బందిగా అనిపించిందని అందుకే అలా లాక్కొని వెళ్లానని వివరణ ఇచ్చాడు.