పద్మవ్యూహంలోకి ట్రంప్ ? ఇరాన్ లో భూతల దాడి నరకమేనా ?

ఇరాన్ (iran)పై ఇజ్రాయెల్ తో కలిసి తాము ప్రారంభించిన యుద్దం నెల రోజులు పూర్తి కావస్తున్న తరుణంలో దీన్నుంచి ఎలా బయటవడాలో తెలియక విలవిల్లాడుతున్న అమెరికా .. తాజాగా వ్యూహాల్ని మారుస్తోంది. వైమానిక దాడులతో ప్రయోజనం లేదని తేలిపోవడంతో భూతల దాడులకు సిద్దమవుతోంది. అయితే అది అంతకంటే ప్రమాదకరమనే వాస్తవాన్ని ట్రంప్ (donald trump) విస్మరిస్తున్నారని అంతర్జాతీయ వ్యవహారాల నిపుణులు పేర్కొంటున్నారు.

ఇరాన్ సైనిక పద్మవ్యూహం (iran)

తాజా యుద్ధానికి దశాబ్దాల ముందు నుంచే ఇరాన్ తన సైనిక సన్నద్ధతను కొనసాగిస్తోంది. అమెరికా సైనిక కార్యకలాపాల తీరును ఇరాన్ సైన్యం.. వియత్నాం, ఇరాక్, ఆఫ్ఘనిస్తాన్‌లలో క్షుణ్ణంగా అధ్యయనం చేసింది. దీనికితోడు, చైనా, రష్యా నుండి శిక్షణ, సలహాలను కూడా పొందింది. ఈ యుద్ధ దశ కోసం తమ అత్యుత్తమ సైనిక పరికరాలు, క్షిపణులను ఇరాన్ పక్కన పెట్టి ఉండవచ్చని కూడా తెలుస్తోంది.యుద్ధం ప్రారంభానికి ముందే, విమాన వాహక నౌకలను ముంచగల అధునాతన యాంటీ-షిప్ క్షిపణులను ఇరాన్ కు ఇచ్చేందుకు చైనా అంగీకరించింది. ఒకవేళ ఆ క్షిపణులు కూడా వస్తే..అవి అమెరికా దళాల భూతల దండయాత్రకు మోహరిస్తున్న ఓడలకు అతిపెద్ద ముప్పుగా మారతాయని అంచనా.

అడుగడుగునా ఉచ్చులే

ఇరాన్ సాధారణ సైన్యం, రివల్యూషనరీ గార్డ్స్ బలగాలు తమ రక్షణలను బలోపేతం చేసుకుంటున్నాయి. ఖర్గ్ ద్వీపం చుట్టూ అమెరికా దళాలకు ఉచ్చులను ఏర్పాటు చేస్తున్నాయి. అమెరికా భూతల దాడులు జరిగితే ఇదే మొదటి లక్ష్యం కావచ్చు. బలగాలను ఎక్కడికక్కడ మట్టుపెట్టే, కవచ-వ్యతిరేక మందుపాతరలతో ఈ ఉచ్చుల్ని సిద్ధం చేశారు. అలాగే, ఇరాన్ ఇతర ద్వీపాలలో కూడా ఇలాంటి అనేక ఉచ్చులను ఏర్పాటు చేసింది. ఇది అమెరికా దళాల భద్రతకు పెను సవాలుగా మారనుంది. అలాగే అమెరికా ఈ ద్వీపాలలో ఒకదానిపై దిగగలిగినా, అదనపు సరఫరాలు లేకుండా ఎక్కువ కాలం మనుగడ సాగించడం కష్టం. ఈ సరఫరాలను అడ్డుకోవడానికి ఇరాన్ అన్ని విధాలా ప్రయత్నిస్తుంది.

To the Hollywood army of the U.S.!

We’ve been waiting for this moment for years. Come on, we’re ready for you!

What’s coming for you will make Vietnam, Afghanistan, and Iraq look like nothing, something you can’t even imagine!

Better not forget your diapers!!! pic.twitter.com/pNcnnGkI7o

— Iran Military Media (@IRMilitaryMedia) March 27, 2026

పద్మవ్యూహంలో అమెరికా

గతంలో అమెరికా, ఇజ్రాయెల్ దళాలు ఈ ద్వీపాలలో ఉన్న ఎయిర్‌స్ట్రిప్‌లు, రోడ్లను ధ్వంసం చేశాయి. ఇప్పుడు తమ సైన్యం కోసం వాటిని త్వరగా పునర్నిర్మించడం సాధ్యం కాదు. ఇది దళాల లాజిస్టిక్స్‌కు విఘాతం కలిగిస్తుంది. అలాగే ఇరాన్ రివల్యూషనరీ గార్డ్స్ అనుభవజ్ఞులైన పోరాట యోధులు. వారిలో చాలా మంది లెబనాన్‌లోని హిజ్బుల్లాతోనూ, సిరియాలోని బషర్ అల్-అస్సాద్ దళాలతోనూ కలిసి అమెరికా, అరబ్ మద్దతు ఉన్న మిలీషియాలకు వ్యతిరేకంగా చాలా సంవత్సరాలుగా పోరాడారు. కాబట్టి అమెరికా వారి నుండి గెరిల్లా దాడులను అంచనా వేయాలి. అంతేకాకుండా వారు యువకులు. మతపరంగా ప్రేరేపితమై అమెరికన్లు, ఇజ్రాయెలీలను ఎదుర్కోవడానికి తహతహలాడుతున్నారు. దీని పర్యవసానంగా అమెరికాకు పెద్ద ఎత్తున ప్రాణనష్టం, అంతేకాకుండా బందీల పరిస్థితి ఎదురుకావచ్చు. కాబట్టి ఎలా చూసినా అమెరికాకు ఇదో పద్మవ్యూహమే అని చెప్పవచ్చు .

English summary

This article examines Iran's growing military readiness and its potential to trigger US confrontation, including Gulf island defenses, allied dynamics, domestic public opinion, and possible economic impacts on energy prices.