వణికిన అఫ్గానిస్తాన్‌.. ఐదు గంటల్లో ఐదుసార్లు భూకంపాలు.. వందలాది మంది బలి !

అఫ్గానిస్థాన్‌ వరుస భూకంపాలతో వణికిపోయింది. ఐదు గంటల వ్యవధిలో ఐదు సార్లు భూమి కంపించడంతో ప్రజలు తీవ్ర భయాందోళనలకు గురయ్యారు. ఈ భూకంపాల వల్ల భారీ స్థాయిలో ప్రాణ, ఆస్తి నష్టం సంభవించింది. ఇప్పటి వరకు ఇంతవరకు 20 మంది చనిపోయారని ప్రాథమిక సమాచారం. అయితే ఈ సంఖ్య మరింత పెరిగే అవకాశం ఉందని వందలాది మంది ప్రాణాలు కోల్పోయి ఉండొచ్చని అంచనా వేస్తున్నారు.

ఐదు గంటల వ్యవధిలో ఐదు సార్లు..

నేషనల్‌ సెంటర్‌ ఫర్‌ సీస్మొలజీ (NCS) ప్రకారం.. ఈ వరుస భూకంపాల్లో మొదటిది అత్యంత తీవ్రమైనది సోమవారం తెల్లవారుజామున 12:47 గంటలకు సంభవించింది. దీని తీవ్రత రిక్టర్ స్కేలుపై 6.3 గా నమోదైంది. ఈ భూకంప కేంద్రం జలాలాబాద్‌కు 27 కిలోమీటర్ల దూరంలో భూ అంతర్భాగంలో 160 కిలోమీటర్ల లోతులో ఉన్నట్లు గుర్తించారు. ఆ తర్వాత వరుసగా 1:08 గంటలకు (4.7 తీవ్రత), 1:59 గంటలకు (4.3 తీవ్రత), 3:03 గంటలకు (5.0 తీవ్రత), మరియు 5:16 గంటలకు (5.0 తీవ్రత) భూమి కంపించింది.

ప్రాణ, ఆస్తి నష్టం..

నంగర్హార్ పబ్లిక్ హెల్త్ డిపార్ట్‌మెంట్ అధికార ప్రతినిధి నఖీబుల్లా రహిమీ తెలిపిన వివరాల ప్రకారం.. ఈ భూకంపాల వల్ల ఇప్పటివరకు 20 మంది మరణించారు. 15 మంది గాయపడ్డారు. ఈ సంఖ్య మరింత పెరిగే అవకాశం ఉందని US Geological Survey (USGS) అంచనా వేస్తోంది. వందలాది మంది మరణించి ఉండవచ్చు.

భూకంప తీవ్రత కారణంగా అనేక ప్రాంతాల్లో భవనాలు ఊగిపోయాయి. దీంతో భయపడిన ప్రజలు ఇళ్ల నుంచి బయటకు పరుగులు తీశారు. పలుచోట్ల ఇళ్లు, భవనాలు కూలిపోవడంతో భారీగా ఆస్తి నష్టం సంభవించింది. గాయపడిన వారికి సమీపంలోని ఆసుపత్రుల్లో చికిత్స అందిస్తున్నారు.

🚨BREAKING… A 6.0 magnitude earthquake has just struck north of Bāsawul, Afghanistan in the Hindu Kush region. The quake was shallow (6.2 mi) and felt across a wide region. “Strong shaking” reported near Jalalabad. DEVELOPING… #earthquake #Jalalabad #Afghanistan #Basawul pic.twitter.com/xW6CKcFzRE

— Steve Norris (@SteveNorrisTV) August 31, 2025

సరిహద్దు దేశాల్లోనూ ప్రకంపనలు..

ఈ భూకంపాల ప్రభావం కేవలం అఫ్గానిస్థాన్‌కే పరిమితం కాలేదని తెలుస్తోంది. దీని ప్రకంపనలు పాకిస్థాన్, తజికిస్థాన్, ఉత్తర భారతదేశంలోని సరిహద్దు ప్రాంతాలతో పాటు న్యూఢిల్లీలో కూడా సంభవించిందని చెబుతున్నారు. ఈ ప్రకృతి విపత్తు అఫ్గానిస్థాన్.. దాని సరిహద్దు దేశాల్లో తీవ్ర ఆందోళన కలిగించిందని.. సహాయక చర్యలు కొనసాగుతున్నాయి.

English summary

Afghanistan has been rocked by a series of earthquakes. Five tremors in the space of five hours have sent people into a state of panic. These earthquakes have caused massive loss of life and property.