పిచ్చెక్కిపోతున్న ట్రంప్ ? ఇరాన్ మొత్తం పేల్చేస్తా..! గల్ఫ్ కూ అదే గతన్న టెహ్రాన్..!

ఇరాన్ (iran)పై అకారణంగా యుద్దం ప్రారంభించిన అమెరికా-ఇజ్రాయెల్ కు ఇప్పుడు ఏం చేయాలో పాలుపోవడం లేదు. యుద్దం రెండో నెలకు చేరుకున్నా ఎప్పట్లోగా ముగుస్తుందో చెప్పలేని పరిస్దితి. దీంతో ఓవైపు అణు దాడి భయాలు కూడా నెలకొన్నాయి. ఇలాంటి సమయంలో మంగళవారం లోగా తనతో ఒప్పందం చేసుకోవాలని, లేకపోతే ఇరాన్ మొత్తాన్ని పేల్చేస్తానంటూ అమెరికా అధ్యక్షుడు డొనాల్డ్ ట్రంప్ (donald trump) చేసిన హెచ్చరికలు ప్రపంచాన్ని కలవరపెడుతున్నాయి. దీనికి ఇరాన్ కూడా ఘాటు కౌంటర్ ఇచ్చింది.

మంగళవారం తన గడువు ముగిసేలోపు అమెరికాతో శాంతి ఒప్పందానికి రాలేకపోతే 'మొత్తం ఇరాన్‌ను పేల్చేస్తానని' డొనాల్డ్ ట్రంప్ హెచ్చరించారు. ఇరాన్ పౌరులకు అత్యంత కీలకమైన మౌలిక సదుపాయాలపై దాడి చేస్తానని ట్రంప్ బెదిరిస్తున్నారు. ఇప్పటికే ఇలాంటి పలు హెచ్చరికలు చేసిన ట్రంప్.. ఈసారి ఏం చేయబోతున్నారన్న ఉత్కంఠ నెలకొంది. అయితే ట్రంప్ హెచ్చరికలపై స్పందించిన ఇరాన్ .. అదే జరిగితే ఇజ్రాయెల్, గల్ఫ్ దేశాలలోని మౌలిక సదుపాయాలపై కూడా ఇలాంటి దాడులతో ప్రతీకారం తీర్చుకుంటామని హెచ్చరించింది.

అమెరికన్ మీడియా సంస్థలకు ఇస్తున్న ఇంటర్వ్యూలలో ట్రంప్.. రాబోయే 48 గంటల్లో ఇరాన్‌తో శాంతి ఒప్పందం కుదరకపోతే మేం మొత్తం దేశాన్ని పేల్చేస్తామని హెచ్చరికలు చేశారు. శాంతి ఒప్పందానికి అవకాశం ఉందని, వారు ఒప్పందం చేసుకోకపోతే అక్కడ ఉన్న ప్రతిదాన్నీ పేల్చేస్తానని ఆయన హెచ్చరించారు. ఇరాన్ పూర్తిగా నాశనమైపోయిందని, ప్రతిరోజూ పరిస్థితి మరింత దిగజారబోతోందని ట్రంప్ చెప్పుకొచ్చారు. ట్రంప్ అల్టిమేటానికి ప్రతిస్పందనగా.. ఇరాన్ పార్లమెంట్ స్పీకర్ మొహమ్మద్ బఘేర్ ఘాలిబాఫ్ తీవ్రంగా స్పందించారు. మీ దుందుడుకు చర్యలు అమెరికాలోని ప్రతి ఒక్క కుటుంబాన్ని నరకప్రాయంలోకి నెడుతున్నాయన్నారు. అంతేకాకుండా, ట్రంప్.. నెతన్యాహు ఆదేశాలను పాటిస్తున్నారని ఆరోపించారు. ఇరాన్ ప్రజల హక్కులను గౌరవించాలని, ఈ ప్రమాదకరమైన ఆటను ముగించాలని పిలుపునిచ్చారు.