ముగ్గురు మొనగాళ్ల భేటీ.. ఉక్రెయిన్ గుండెల్లో రైళ్లు!

చైనా వేదికగా అమెరికా, రష్యా, చైనా అగ్రనేతల మధ్య జరగనున్న కీలక సమావేశం ప్రపంచవ్యాప్తంగా తీవ్ర ఆసక్తిని రేకెత్తిస్తోంది. అయితే గురువారం జరగనున్న ఈ చారిత్రాత్మక భేటీకి ముందే ఉక్రెయిన్ తీవ్ర అభ్యంతరం వ్యక్తం చేసింది. తమ భాగస్వామ్యం లేకుండా ఉక్రెయిన్ భవిష్యత్తుపై ఎలాంటి నిర్ణయాలు తీసుకోవడానికి వీలు లేదని తేల్చి చెప్పింది. అమెరికా అధ్యక్షుడు డొనాల్డ్ ట్రంప్, చైనా అధ్యక్షుడు షీ జిన్‌పింగ్‌లు రష్యా అధ్యక్షుడు వ్లాదిమిర్ పుతిన్‌ను సంతోషపెట్టడానికి బదులు, యుద్ధం ఆపేలా ఆయనపై గట్టి ఒత్తిడి తీసుకురావాలని ఉక్రెయిన్ విదేశాంగ మంత్రి ఆండ్రీ సిబిహా విజ్ఞప్తి చేశారు.

చైనా చేరుకున్న ట్రంప్.. ప్రపంచ భవితవ్యాన్ని మార్చబోయే మీటింగ్!
చైనా చేరుకున్న ట్రంప్.. ప్రపంచ భవితవ్యాన్ని మార్చబోయే మీటింగ్!

ఉక్రెయిన్ లేకుండా చర్చలా? కీవ్ టెన్షన్ ఇదే!
అపెక్ సదస్సు సందర్బంగా బుధవారం ట్రంప్, జిన్‌పింగ్, పుతిన్ ఒకరినొకరు కలుసుకుని ఫ్యామిలీ ఫోటోలకు పోజులిచ్చారు. ఈ నేపథ్యంలో ఉక్రెయిన్ విదేశాంగ మంత్రి సబిహా స్పందిస్తూ.. ఉక్రెయిన్‌కు సంబంధించిన ఏ అంశంపైనైనా చర్చలు జరిపేటప్పుడు తమ ఉనికి తప్పనిసరి అని స్పష్టం చేశారు. ఉక్రెయిన్ ను చర్చల నుంచి దూరంగా ఉంచి జరిపే ఇలాంటి సమావేశాలు రష్యా దూకుడును మరింత ప్రోత్సహించే ప్రమాదం ఉందని ఆయన ఆందోళన వ్యక్తం చేశారు. మరోవైపు ఉక్రెయిన్, యూరప్ దేశాల ప్రమేయం లేకుండానే ఈ మూడు అగ్రరాజ్యాలు యుద్ధం ముగింపుపై ఏకపక్ష నిర్ణయాలు తీసుకుంటాయేమోనన్న ఆందోళన అంతర్జాతీయ వర్గాల్లో వ్యక్తమవుతోంది.

Ukraine Objects to Donald Trump Xi Jinping Putin Trilateral Meeting in China Urges Pressure on Russia

షెన్‌జెన్‌లో ట్రంప్‌కు జిన్‌పింగ్ ఘనస్వాగతం
అంతకుముందు బుధవారం చైనాలోని షెన్‌జెన్‌ నగరానికి చేరుకున్న అమెరికా అధ్యక్షుడు డొనాల్డ్ ట్రంప్‌కు చైనా అధ్యక్షుడు షీ జిన్‌పింగ్ ఎయిర్పోర్టులో స్వయంగా ఘనస్వాగతం పలికారు. ఇరువురు నేతలు కరచాలనం చేసుకుని ఆత్మీయంగా ఆలింగనం చేసుకున్నారు. తొలుత ఈ త్రైపాక్షిక భేటీలో ఉక్రెయిన్ అంశం చర్చకు రాకపోవచ్చని అమెరికా వర్గాలు సంకేతాలు ఇచ్చినప్పటికీ.. ఆ తర్వాత ట్రంప్ మాట్లాడుతూ ఉక్రెయిన్ యుద్ధంపై చర్చ జరిగే అవకాశం ఉందని పేర్కొన్నారు.

ఇజ్రాయెల్‌కు ఎందుకీ షాక్?: హఠాత్తుగా చేతులెత్తేసిన ట్రంప్ సర్కార్!
ఇజ్రాయెల్‌కు ఎందుకీ షాక్?: హఠాత్తుగా చేతులెత్తేసిన ట్రంప్ సర్కార్!

పాశ్చాత్య ఆంక్షలు విఫలం: పుతిన్
మరోవైపు రష్యా అధ్యక్షుడు వ్లాదిమిర్ పుతిన్ ఈ త్రైపాక్షిక సమావేశాన్ని అత్యంత ప్రయోజనకరమైనదిగా అభివర్ణించారు. 2022లో ఉక్రెయిన్ పై సైనిక చర్య ప్రారంభించిన తర్వాత పాశ్చాత్య దేశాలు రష్యాపై విధించిన ఆంక్షలన్నీ పూర్తిగా విఫలమయ్యాయని ఆయన ఎద్దేవా చేశారు. ఇప్పుడు ఈ ముగ్గురు అగ్రనేతల భేటీలో ఉక్రెయిన్ యుద్ధంపై ఎలాంటి కీలక పరిణామాలు చోటుచేసుకుంటాయోనని ప్రపంచ దేశాలు ఉత్కంఠగా ఎదురుచూస్తున్నాయి.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+